Powadi 19:12 - Wunta Mempori

¹² Tekudano mokole kana pengaolino singa mongura, sine moikono kana tontoru a wawo ewo.

Powadi 19:12 ပူးပေါင်းရင်းမြစ်များ

Tegagia 27:28

Ondae Ue Ala Ira mompotiiakomu tontoru inso i langi ka wita mewalo i tolino saru gandu ka anggoro anu hadio ntu'u.

2 Samueli 23:4

onae mewanta kana towea i tempono mo'oru, mo'oru anu nahi menseru, anu ba umari usa weweuo tesosangkilo ewo mongura i wita.

Esetere 1:12

Sine mokole beine Wasati nahi behe lumako tepohaweako ira montonda parentado mokole anu pinohawedo sida-sida atuu, ranta ka dotedoa tekuda mokole ka tensilaomo tekudado.

Esetere 7:8

Tempono dopekule mokole inso a lere bunga langkanae i larono a mpo'inua anggoro, ka i Hamani menggolontu a mpoturia pepomboleano i Esetere. Motae iramo mokole, ”Da mingki mbo'u ke onae dumadaio ta mewowaliakono mokole beine i larono langkanaeku?” Mansano meluarako paudo mokole atuu inso a wiwido, domentutuwiomo mia rupano i Hamani.

Po'unde-unde 133:3

Kana tontoruno Torukuno Heremoni anu metii a wawo luwuno torukuno Sioni. Hangano i ra'aimo Doparentao i Ue ronso, tuwua anu nahina tampulaano.

Po'unde-unde 72:6

Po'ineeomo ka ikana usa anu metii a wawo mpada ewo, kana usa marombo anu umuwoio tolino!

Powadi 20:2

Doitoa inso ndi mokole kana pengaolino singa mongura, isema mokotesingkao tekudano sumolangio koroino onaeno.

Powadi 28:15

Kana singa anu mengaoli ke berua anu mesapoi, kanatuumo mia mosa'o gauno anu moparenta palili anu molema.

Puu Pontutulu 8:4

Hangano petenano mokole pabawa, isemake anu ta motaeakono, ”Hapa anu wineweumiu mokole?”

Yesaya 18:4

Hangano kanadiomo pau-Do i Ue ndi ongkue, ”Aku kongko momperodo mentango inso a mpo'ianga-Ku, kana rodono pompemokula ntu'u a ntonga oleo, kana gawu inso a tontoru a mokulano konsowia.”

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 6:24

Mokole tedoa mawongko ka onae meparenta ka idinii i Danieli inso a laro aa. I Danieli diniiomo inso a laro aa, ka nahina mobela hapamo koa ndi onae, hangano ipe'ala-ala Ira Ue Alano.

Hosea 14:5

Aku mokotompa ira inso a mpopebungkuido ndi Ongkue, Aku mehohawa ira hangano po'ehe-Ku, hangano tekuda-Ku telusa inso ndi ondae.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

Winali 33:28

I Isaraeli mo'ia rodo a mata uwoino i Yako nahi umonsoio i asa wita anu hinao gandu ka anggoro; maupo langino mompo'iti tontoru.