Powadi 18:10 - Wunta Mempori

¹⁰ Nee-Do i Ue onaemo menara anu moroso, i ra'aimo polaiano mia mentee ka itekadudui.

Powadi 18:10 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 32:11

Po'ineeomo ka Ipotola aku inso a ngkaeno i Esau, pepaekompoku, hangano kudoitoakono, ba mansa onae aiwa mepate aku, saru mbo'u luwuno ine ka anado.

2 Samueli 22:2

Ipotae, ”Oo Ue, pongku watuku, bente pekorahakoaku ka pongkaduduiku,

2 Samueli 22:3

Ue Alaku, torukuno watuku, petaloiaku, kantaku, tandu tekaduduiku, kota benteku, polaiaku, puu pongkaduduiku. Omiumo kumadudui aku inso a pobobarasaia.

2 Samueli 22:51

Dopoweeakono tekaduduia langkai a mokole anu pinontoro-Do, ka mopokitao pompehohawa-Do a mia anu inurapi-Do, ndi Daudi ka a ana'ueno ranta nahina tampulaano.”

Po'unde-unde 144:2

Ondaemo pe'asaku anu metenunu ka bente pekorahakoaku, kota benteku ka anu kumadudui aku, kantaku ka po'ianga pepetulungiaku, anu mokompetuundu ira luwuno tongku i totono pabawaku!

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 20:2

Po'ineeomo Dosangkiko i Ue i tempono ma'isoa! Po'ineeomo nee-Do Ue Alano i Yako benteiko!

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 91:14

”Hangano aroano metako ndi Ongkue, onaemo pu'uno Aku motolao, Aku rumereio, hangano ito'orio nee-Ku.

Po'unde-unde 91:2

Onae ta mepau ndi Ondae i Ue: Pepekaduduiaku ka bente pekorahakoaku, Ue Alaku, anu pine'ala-alaku.

Peluarakoa 6:3

Komba butu Kupedandiako iramo Aku weeako ira wita Kana'a, po'iangaado kana mia mehawe,

Powadi 14:26

A laro doitoako Ira i Ue hinao pehondaa anu moroso, tendeano hinao pekadudui tiado luwuno ana-Do.

Powadi 29:25

Doito a mia mowawa oho, sine isema me'ala-ala Ira i Ue, kinadudui.

Yesaya 26:4

Pe'ala-ala Iramo mpiha i Ue, hangano Ondae Ue Ala onaemo torukuno watu anu nahina tampulaano.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Habaku 3:19

Ondae Ue Ala Ueku atuu rosoku. Ondae weweuo karuku kana karuno rusa, Ondae weweu aku mokompelempa a mpo'ianga mantande. Tiano petewawa mpenani. Saru pemaeno katapi.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

MENGKAAA 1:8

”Ongkuemo Alfa ka Omega, pau-Do Ue Ala, anu kongko ka anu kongko Iramo ka anu Ira hawe, Anu Tedoa Pabawa.”

1 Samueli 17:45

Motae i Daudi a nto Pelisiti atuu, ”Omue tumotowoakune ponai, kansai, ka pando sine ongkue tumotowoko a nee-Do Ueno luwuakoano, Ue Ala puu mpeteado to Isaraeli anu pine'uru-urumu.

1 Samueli 30:6

Tedungkuomo i Daudi hangano dompotae palili ira mewunoakono watu. Luwuno palilino masusa aroado, hangano anano tama ka beine. Sine i Daudi mohawe roso inso ndi Ondae i Ue, Ue Alano.