Powadi 16:21 - Wunta Mempori

²¹ Mia anu aroano pande mosongka pinau hinao ponto'orino, ka pepau anu mo'ahi ta lalu pine'ala-ala.

Powadi 16:21 ပူးပေါင်းရင်းမြစ်များ

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

Po'unde-unde 45:2

Aroaku luluaako luwuno pau tekosi, aku mohaweo powadiku ndi mokole; eloku kana penano asa mia puu mpoburi anu pande ntu'u.

Powadi 10:13

A wiwino mia hinao ponto'orino hinawe ponto'ori anu mentee, sine pontunduhi tepatinda tiano torukuno mia anu nahi molino pinewowolono.

Powadi 10:23

Ineheno mia monge-monge onaemo moweweu songka molengku, ba kana'umpe ipoweweu ponto'ori anu mentee tiano mia anu hinao ponto'orino.

Powadi 10:8

Isema aroano pande mosongka, mompekokoongako parenta, sine isema benge-benge pepauno, ta tedonta.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 16:22

Pinewowolo molino onaemo pu'uno tuwuano anu me'ueo, sine hukuno mia benge-benge onaemo benge-bengeno.

Powadi 23:15

Hei anaku, tewala aroamu pande mosongka, aroaku mbo'u mawongko.

Powadi 27:9

Lana ka anu mana mo'ahi ineheno aroa, sine marasaia moberi sumanga.

Puu Pontutulu 12:10

Puu Mpontutulu merokuhi humawe ira pau anu mompokosanaa ka burio a moleono aroa luwuno pau menteea.

Yesaya 50:4

Ondae Ue Ala Dopoweeakunemo elono asa mia ana guru, kai butu pau kupolio moweeakono roso mia anu telusa molema. Mo'oru me'eu mo'oru Dopokomontasoo porongeku ka kuporonge kana asa ana guru.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

I LUKASI 4:22

Ka luwuno mia atuu mpementee Ira ka domengkohali-haliakono luwuno pau anu tekosi pinau-Do, ka do'amba mpotae, ”Kombake Ondae andio anano i Yusupu?”

I YOHANE 7:46

Mesangki ira anu mpodagai atuu, ”Napi hori hina mia mepau kana mia atuu!”

ROMA 16:19

Lele mongkona pomperorongeakomiu domerongeomo luwuno mia. Onaemo pu'uno ka kupo'undeakomiu. Sine po'eheku ka imempande mposongka a hapa anu moiko, ka ime'olaiakono hapa anu mosa'o.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.