Powadi 16:18 - Wunta Mempori

¹⁸ Pompelangka-langkai mese'elungio tekale-kalea, ka konangi-nangi mese'elungio tedontaa.

Powadi 16:18 ပူးပေါင်းရင်းမြစ်များ

Esetere 3:5

Mansano kumitao i Hamani, nine i Modekai ka penggolontuu ka mesomba ndi onae, onaemo ka itedoa mokula aroano.

Esetere 6:6

Mansano mewinso i Hamani, mesikeno iramo mokole ndi onae, ”Hapake anu ta wineweu a mia anu inehedo mokole melangkaio?” Motae i Hamani i laro aroano, ”Ndi sema mbo'u inehedo mokole moweeakono pompelangkai anu laluaopo sekono ongkue?”

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Powadi 11:2

Tewala hawe pompelangka-langkai, hawe mbo'u pasinggiri, sine ponto'ori anu mentee kongko a mia anu me'urumako.

Powadi 17:19

Isema ineheno polimpa'ia, ineheno koa mbo'u pengengea, isema mokomantandeo pewowano mo'ungke tekale-kalea.

Powadi 18:12

Pompelangka-langkai mese'elungio tekale-kalea, sine pe'urumako mese'elungio pompelangkai.

Powadi 29:23

Pompelangka-langkai mompe'uru-uru mia, sine mia anu me'urumako, montarima po'unde-unde.

Powadi 8:13

Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Yesaya 37:38

Pohona tempono ipekakai a laro raha po'iangano Nisiriroki, pinesombaino, i Adarameleki ka i Sareseri anano, mepateakono ponai. Ka do'amba molai i wita Arara. Ka i'amba i Esaradoni, anano, gagi mokole umeuo.

Yeremia 49:16

Pelelumu anu mompokodoito ka pompelangka-langkaino aroamu onaemo mopo'ooko, oo omue anu mo'ia a laro aano watu, anu mentoroki ira punsuno pongku! Maupo upoweweu senomu kana mantandeno senono manu-manu rajawali, Aku motiiko inso i ra'ai, kanandiomo pau-Do i Ue.

Yeremia 50:32

Mia anu mompelangka-langkai atuu ta tetidu tedonta ka nahina anu tumandeo. A luwuno kotano Aku molangao api anu ta kumaano luwuno anu a mpetengi-tengino.

Yehesikieli 28:17

Omue mompelangka-langkai hangano tekosimu, ponto'orimu anu mentee uropuo hangano marambamu. I tolino Kupetadiakomu, a luwuno mokole Kupeweengakomu gagi kikitaano matado.

Yehesikieli 29:9

ranta wita Masiri ta gagi boni-boni ka terawo. Ka ira mento'orio nine Ongkuemo Ue. Upotae: Koro Nili atuu ongkue me'ueo, ongkuemo anu weweuo,

Danieli 11:12

Mansano rumopu ira sorodadu hadio atuu, aroano ta mo'unde. Onae mompepateomo mapasowu-sowu mia, sine nahi ta moroso mpiha.

Danieli 5:22

Sine ueku i Belesiasari, anano, nahi pe'urumako maupo ito'orio luwuno andio.

Danieli 5:24

Onaemo pu'uno ka Dotenao kae atuu ka binuriomo binuri andio.

I MATIU 26:74

Ka mompu'uomo i Peturu montotonaa ka ipesumpa, ”Nahi kuto'orio mia atuu.” Ka i tempo atuu kumokoroidoomo manu.

I LUKASI 14:9

ka si aiwa mia atuu, anu umoluko ka onae ka ipotaeakomu: Po'ianga andio weeakono mia atuu. Ka i'amba omue saru mokoko'ii asalakono lumako a mpo'ianga anu i totono ntu'u.

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

1 TIMOTIU 3:6

Onae komba mia anu da sarai itepidi, ka si gagi mompelangka-langkai ka ikonao hukuno i Mosa'o.

Puu Mpobitara 11:28

Sine mokole inuledo to Amoni nahi perorongeakono pau anu domempaukono luwuno tinenano i Yepeta.

1 Samueli 17:42

Mansano to Pelisiti atuu mengkita ka ikitao i Daudi, ipe'uru-uruo hangano i Daudi da mongura, kombisino mororontaha ka montama rupano.