Powadi 16:1 - Wunta Mempori

¹ Mia polio montitimbanga i laro aroano, sine sangkino elo pu'uno inso ndi Ondae i Ue.

Powadi 16:1 ပူးပေါင်းရင်းမြစ်များ

2 Samueli 7:5

”Lakomo, pauakono tetenaa-Ku i Daudi, ’kanandiomo Pau-Do i Ue: Menteeke komowangu raha ta po'ianga-Ku?

2 Tawarika 18:31

Nahi tehine umarido luwuno tadulako puu mpetea kareta atuu mengkitao i Yosapa, dompotae, ”Onaemo atuu mokole i Isaraeli!” Ka do'amba mengkaduo, ira mensapoio, sine i Yosapa mebooli ka Dotulungio i Ue. Ondae Ue Ala weweu ira ka domelako inso ndi onae.

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Ayubi 17:11

Tinuwuku laloomo, nahina anu gagi luwuno tinooku, po'eheno aroaku.

Po'unde-unde 10:17

Po'ehedo mia anu tepokonsii Irongeomo, oo Ue; Omiu mokorosoako ira aroado, Omiu mo'aroo biri-Miu,

Po'unde-unde 119:36

Ipo'aroomo aroaku a luwuno pepopoto'ori-Miu, ka osi'i a modokoa.

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Powadi 15:33

Doitoako Ira i Ue onaemo pompaguru anu mowawa ponto'ori anu mentee, ka pe'urumako mese'elungio pompelangkai.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Powadi 19:21

Hadioomo sinongka i aroano mia, sine pomputusi-Do koa i Ue anu gagi.

Powadi 20:24

Pelempano mia inso ndi Ondae i Ue, ka i'amba kana'umpe mia ka ipokonto'orio sala ntumuwuno?

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Yeremia 10:23

Kuto'orio, oo Ue, nine mia nahina pabawano tumantuio sala ntumuwuno, ka mia anu melempa nahina pabawano ka ipatotoo pelempano.

2 KORINTI 8:16

Pontarimakasi ndi Ondae Ue Ala, anu hangano omiu pinoweeako mbo'u mokua anu kanandio i laro aroano i Titu tumulungi komiu.

PILIPI 2:13

hangano Ondaemo Ue Ala anu umanggao i laromiu moiko po'ehe maupo anggaa montonda po'ehe-Do.