Powadi 15:8 - Wunta Mempori

⁸ Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 15:8 ပူးပေါင်းရင်းမြစ်များ

2 Samueli 15:12

Tempono ta mompesombaako pesomba, i Abisalo umoluo i Ahitopeli, to Gilo, puu mpopatuduno i Daudi, aiwa inso i Gilo, kotano. Morosoomo tepo'asaa umewa atuu ka kohadi-hadiono palili tumondao i Abisalo.

1 Mokole 3:10

Ondae i Ue memoikoo po'emano i Salomo atuu.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Po'unde-unde 17:1

Pekakaino i Daudi. Irongeomo, Ue, kara-kara anu mentee, Ipekokoongakonomo suaraku; Irongeomo pekakaiku, inso a wiwi anu nahi pompopo'oo.

Powadi 10:24

Hapa anu mokodoitoo mia mosa'o gauno, onaemo anu ta umaluo, sine po'eheno mia mentee ta ininduako.

Powadi 15:29

Ondae i Ue atuu olai inso a mia mosa'o gauno, sine pekakaino mia mentee Dorongeo.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Powadi 28:9

Isema anu wolilio birino ka si rongeo songka, pekakaino mbo'u mokoburu.

Puu Pontutulu 5:1

Si madara ungkahio ngangamu, ka siimo ipodadu aroamu moluarako pau i aro-Do Ue Ala, hangano Ondae Ue Ala kongko Ira i suruga ka omue i tolino. Onaemo atuu, po'ineeomo ka itedei koa paumu.

Penani Maramba 2:14

Marapatiku i olo-olono watu a mpewunia i laano torukuno, popokitaomo rupamu, poporongeomo suaramu! Molino ntu'u suaramu ka tekosi rupamu!”

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Danieli 9:23

Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Imama 7:18

Tewala a oleo ko'otolu bau pesomba tekaduduia atuu da kinaa, nahi Dotarimao i Ue mia anu mompesombaako ka pesomba atuu nahi rineke, tendeano gagi asa anu mokoburu, ka mia anu kumaano asalakono itembio salano onaeno.

Mika 6:6

”Saru hapake bakanaano kulako me'aro ndi Ondae i Ue ka menggolontu mesomba ndi Ondae Ue Ala anu a mantandeano? Asalakono ke aku lumako me'aro ndi Ondae saru pesomba tinunu, saru ana nsapi anu tinuwuno asa nta'u?

Mika 6:7

Dopekonao i Ue ke a nsowuno bimba lakino, a pulu nsowu lana tinawa? Asalakono ke kupesombaakono anaku anu aka hangano salaku ka ana ngkoroiku hangano halaku ongkueku?”

Hagai 2:14

Motae i Hagai, ”Tewala asa mia anu gagi mokoburu hangano modanggi wata ngkoroi, modanggi luwuno andio, nde atuu ta gagi mokoburu?” Mesangki ira luwuno nabi, dompotae, ”Manasa!”

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

I YOHANE 4:24

Ondae Ue Ala atuu Penaa ka ba isema mesombai Ira, asalakono mesombai Ira a laro penaa ka menteea.”