Powadi 15:27 - Wunta Mempori

²⁷ Isema modokoako me'uraa wongi-wongi, mokomarisuo somborino, sine isema umo'aliaakono pompowee nahi pototono ta tuwu.

Powadi 15:27 ပူးပေါင်းရင်းမြစ်များ

1 Mokole 2:40

Mompakaleomo i Simei lumapio kalideno, ka ilako i Gati ndi Akisi, ta umungke ira atano orua ira atuu. Ka i'amba i Simei mekule wawa ira inso i Gati.

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Peluarakoa 23:8

Si pontarima pompowee nahi moleo, hangano pompowee nahi moleo mompokomorawu ka maupo molino pongkitano, iposuleo kara-karano mia anu mentee.

Powadi 1:19

Kanatuumo poko'ariano sompo mia anu modokoako me'uraa nahi pototono, me'uraa atuu umalao penaano anu me'ueo.

Powadi 11:19

Isema me'ini a menteea, te'aro a ntuwua, sine isema mo'ungke mosa'oa, te'aro a matea.

Powadi 11:29

Isema kumale-kaleo somborino ta morako angi; mia benge-benge ta gagi atano mia pande mosongka.

Powadi 15:26

Sinongkano mia moweweu mosa'o mokoburu-Do i Ue, sine pau anu mauru atuu mempori.

Powadi 20:21

Pine'ue anu magasi ihinawe a pompu'uano, poko'ariano nahi rinonso.

Powadi 23:4

Si pe'isei ka ugagi kaea, bintaomo tinoomu andio.

Powadi 28:16

Asa petewawa nahina ponto'orino, lansara pompokonsiino; sine mia anu umo'aliaakono untu anu nahi moleo insoano, melai tinuwuno.

Powadi 28:25

Mia anu modoko, moweweu pe'u'uaa, sine isema me'ala-ala Ira i Ue, pinoweeako hadio ntu'u.

Powadi 29:4

Saru moleoa mokole kumorahakono wita, sine mia anu motuntu hadio sima'ulu kumale-kaleo.

Yeremia 17:11

Kana torato anu mo'opoti nahi pesu'uluiakono, kanatuumo mia anu mopumpu kaea anu komba tiano. A entongano tinuwuno onae ta tetadi luwu, ka a tompaano tinuwuno onae butumo koa asa mia nahi montaso pinewowolono.

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

Winali 7:26

Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

1 TIMOTIU 6:9

Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

Yosua 6:18

Sine omiu, dagaio koroimiu, inso ia sangka anu ta pinokoropu, sii mpo'ala sangka anu pinakosiomo atuu, kasi hangano onae po'iangado to Isaraeli ta pinokoropu.

1 Samueli 12:3

I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”