Powadi 15:15 - Wunta Mempori

¹⁵ Aroano mia mompemasusa mosa'o luwu, sine mia anu mawongko aroano wela mogawe.

Powadi 15:15 ပူးပေါင်းရင်းမြစ်များ

Tegagia 37:35

Luwuno anano tama ka beine mpopete'umala mentareroo, sine nahi behe tinarero. Ipotae, ”Naahi! Aku mompemasusa ranta ka kupetii tepohaweakono anaku a mpo'iangado mia mate!” Kanandiomo amano mengeseio i Yusupu.

Tegagia 47:9

Sumangki i Yako ndi Pirao, ”Tempo pelakopiaku gagi mia mehawe onaemo asa etu ka tolu pulu nta'u. Tempoku tuwu atuu sarai ka bukeako masusaa, napi haweo tinuwudo uempu'uku tempono dompelakopi gagi mia mehawe.”

Powadi 15:13

Aroa anu mawongko weweuo rupa mewanta, sine mopoeno aroa mompokotetadi roso.

Powadi 15:14

Aroano mia hinao ponto'orino mo'ungke ponto'ori, sine ngangano mia monge-monge mepui-puikaako benge-bengea.

Powadi 15:16

Moikoopo tedei arataa tinondaako doitoako Ira i Ue sekonopo hadio arataa tinondaako salalaro.

Powadi 16:22

Pinewowolo molino onaemo pu'uno tuwuano anu me'ueo, sine hukuno mia benge-benge onaemo benge-bengeno.

Powadi 17:22

Aroa anu mawongko onaemo pakuli anu alapi, sine anu tetadi rosono mompokomokari wuku.

WINEWEUDO TINENA 16:25

Sine mansano ta porontonga wongi mekakai ira i Paulu ka i Silasi ka dopenani umunde-unde Ira Ue Ala ka domeronge ira mia mehinuku anu mehano.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 5:11

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 1:5

Hangano mengkena kana omami mohawe tia hadio ntu'u a ntebobarasai-Do i Kerisituu, kanandio koa mbo'u hangano Ondae i Kerisituu montarima kami pontarero hadio ntu'u.

2 KORINTI 6:10

kana mia anu mompemasusa, sine memawongko mpiha, kana mia mongkokolaro, sine mompokokaea hadio mia; kana mia anu nahina hapa-hapano, maupo luwuakoano hinao ndi omami.

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.