Powadi 14:32 - Wunta Mempori

³² Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

Powadi 14:32 ပူးပေါင်းရင်းမြစ်များ

Tegagia 49:18

Ongkue monsisikori tekaduduia inso ndi Omiu, oo Ue.

Ayubi 13:15

Kitaomo, Ira mepate aku, nahina pomperorohiaku, sine aku kumorahakono peleluku i aro-Do.

Ayubi 18:18

Onae sinaari inso a mewineano a laro wongi-wongia, ka onae pinokotampula inso i wawontolino.

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 23:4

Maupo kupelempa a lembono wongi-wongia, nahina dinoitoakoku, hangano Omiu kumongkomi aku; tarasulu-Miu ka tuko-Miu, onaemo anu mokoroso aku.

Po'unde-unde 37:37

Pekokoongakono mia anu moleo aroano ka pepenteeomo mia anu nahi molengku, hangano a mia anu ineheno manangai ta hina oleo ramaino;

Po'unde-unde 58:9

Po'ineeomo domengkana uho anu gagi meraa, kana anadalo anu te'onini anu nahi kitao mata'oleo.

Po'unde-unde 73:24

Itaateakune patudu-Miu, ranta poko'ariano Itande aku a laro marambaa.

Powadi 11:5

Pesalaano mia anu nahina tataano ipokomereteo menteeno, sine mia mosa'o gauno tedonta hangano gauno mosa'o.

Powadi 14:33

Ponto'ori anu mentee mo'ia i laro aroano mia anu hinao ponto'orino, sine nahi tino'ori i laro aroano mia monge-monge.

Powadi 24:16

Hangano, maupo pepintu itedonta mia mentee, onae wali mewangu, sine mia mosa'o gauno ta tebangku a laro masolaa.

Powadi 5:22

Mia mosa'o gauno kona rako a laro wineweuno mosa'o, ka kona oho a laro ngkoloro halano onaeno.

Powadi 6:15

Onaemo pu'uno ka i'aluo masolaa mepobingko, nahi kinoo-koo onae sinolangi nahi pinokotulungi mbo'u.

I LUKASI 2:29

”Kanandio-andio, Ue, Ipo'ineeomo tetenaa-Miu andio ka ilako a laro rodoa, menunu saru pau-Miu,

I YOHANE 8:21

Ka Dopotaeako ira mbo'u i Yesu mia hadio, ”Aku lumako ka komiu me'ungke Aku sine komiu memate a laro halamiu. A lakoa-Ku, nahi komiu mehawe.”

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

2 KORINTI 1:9

Tendeano kana hinuku mate kamimo. Sine ka igagi kanatuu, ka si kipe'ala-alao koroimami, sine butu ndi Ondae Ue Ala anu wangu ira mia memate.

2 KORINTI 5:8

sine aroamami moroso, ka inehemamipo mpelimba inso a ngkoroi andio ka kimpo'ia mpiha ndi Ondae i Ue.

PILIPI 1:21

Hangano tuwuku ondaemo i Kerisituu ka mate onaemo uraku.

PILIPI 1:23

Pinakada aku inso a orua rupa: ineheku lumako ka kupo'ia meronga saru Ondae i Kerisituu – atuu lano laluaopo moiko;

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

MENGKAAA 14:13

Ka kurongeo suara inso i suruga motae: Burio, ”Meme'ura iramo mia memate anu mate a nee-Do i Ue, mompu'u kanandio-andio.” ”Mentee ntu'u,” Dopotae Penaa, ”ka imoiko dompenaa-naa inso a mpe'iseido, hangano luwuno wineweudo tumonda ira.”