Powadi 14:22 - Wunta Mempori

²² Nahi tesaake mia anu mosongka wineweu mosa'o? Sine anu mosongka mongkona anu moiko mohawe pompehohawa ka petenunu.

Powadi 14:22 ပူးပေါင်းရင်းမြစ်များ

Tegagia 24:27

ka ipotae, ”Inunde-unde Iramo i Ue, Ue Alado ueku i Burahima, anu nahi Dopotolao pompehohawa ka petenunu-Do inso ndi ondae ueku atuu. Ongkue mbo'u Dotaate akumo i Ue a nsala lumako a rahado pepaekompodo ueku andio.”

2 Tawarika 6:8

Sine, mepau Ira i Ue ndi Daudi, amaku, ’Omue lano montoo mowangu rahano nee-Ku, ka upo'asao aroamu atuu moiko ntu'u.

Po'unde-unde 25:10

Luwuno pesalaa-Do i Ue onaemo pompehohawa ka menteea a mia anu me'ini a mpedandia-Do ka luwuno pompopoto'ori-Do.

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 61:7

Tiangiomo tinuwuno mokole, po'ineeomo ka imelai tinuwuno hawe ba opia inule,

Powadi 12:2

Mia moiko Dopemoikoo i Ue, sine anu mompopo'oo Dohukuo.

Powadi 12:26

Mia mentee mohawe pompakambiano, sine pesalaano mia mosa'o gauno mokontesaa ira.

Powadi 14:17

Isema ronga tesingka, moweweu nahi mentee, sine mia anu pande mosongka, sabara.

Powadi 14:23

A laro sompo pe'isei hinao me'uraa, sine luwuno pau mpena butu mohaweako mongkokolaroa.

Powadi 19:22

Pelelu anu pinemoiko a asa mia onaemo petenunu; moikoopo mia mongkokolaro sekonopo mia megaupi.

Powadi 24:8

Isema wela mosongka mosa'oa ta pinotaeako anu mompopo'oo.

Powadi 3:29

Si posongka anu mosa'o a mpe'asa miamu, sekono onae nahina pinorerengkono ipo'ia saru omue.

Powadi 3:3

Pompehohawa ka petenunu si tebinta inso ndi omue! Pe'enu-enuakomo atuu a we'umu, buriomo i laro aroamu,

Powadi 6:14

anu aroano monaa pompopo'oo, anu wela mosongka mosa'oa, ka anu moweweu pengengea.

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

I MATIU 5:7

Me'uraomo mia anu me'aroa, hangano ira mpohawe pe'aroaa.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

Yosua 2:14

Sumangki ira mia atuu ndi onae, ”Penaamami gagi pe'inia ndi omiu, polomokoa kasi popauo hapa ki'aiwaako andio; nde ba Dopewengakonomo i Ue inia andio ndi omami, kamimo mopokitaakomu pontarimakasi ka petenunumami ndi omue.”