Powadi 14:2 - Wunta Mempori

² Isema anu moleo pelempano, doitoako Ira i Ue, sine mia anu tesaa pesalaano mokongkodei Ira.

Powadi 14:2 ပူးပေါင်းရင်းမြစ်များ

2 Samueli 12:9

Tembio kau pokongkodei Ira i Ue ka upoweweu anu mosa'o a pongkita-Do? I Uria to Heti atuu upepateakono ponai. Beineno u'alao gagi beinemu, ka onae upepateakono ponaino inuleno i Amoni.

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

2 Mokole 17:34

Hawe oleo andio mpenunu ira kana anu ela wineweudo i ndi'ipua. Nahi dompesomba ndi Ondae i Ue ka nahi dompoweweu menunu saru pompakosi, atora, songka ka parenta anu pinakosi-Do i Ue tiado luwuno anano i Yako anu Doneeakono Isaraeli.

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 12:4

Ongkue gagi pengingisiado pe'asa miaku, ongkue, anu mebooli ndi Ondae Ue Ala ka mohawe sangkino, ongkue anu mentee ka moleo gagi pengingisia.

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Po'unde-unde 112:1

Haleluya! Me'uraomo mia anu doitoako Ira i Ue, anu tedoa ineheno a luwuno parenta-Do.

Po'unde-unde 25:21

Bobotolino aroa ka moleo aroa po'ineeomo ka itondari aku, hangano ongkue sumisikori Komiu.

Powadi 11:12

Isema mompokongkodei pe'asa miano, nahi molino pinewowolono, sine mia anu pande, menoro-noro.

Powadi 16:17

Pesalaano mia moleo onaemo olaiakono wineweu mosa'o; isema dumagaio pesalaano, mekariao penaano.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 19:1

Moikoopo asa mia mongkokolaro anu peleluno nahina tataano sekonopo asa mia monge-monge anu mara mpegaupi.

Powadi 2:15

anu molengku pesalaano ka pansia peleluno;

Powadi 28:6

Moikoopo mia mongkokolaro anu nahina tataano peleluno sekonopo mia anu melengku-lengkuako pesalaano, maupo onae kaea.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I LUKASI 16:14

Luwuno atuu domerongeo to Parisi, anu memodokoako doi atuu, ka dompokoko'awatiako Ira.

WINEWEUDO TINENA 10:22

Mesangki ira, ”I Koroneliusu, aasa petewawa sorodadu anu moleo aroa ka doitoako Ira Ue Ala, ka anu teto'ori moiko i olodo luwuno to Yahudi, montarimaomo pepokomengkaa-Do Ue Ala a mala'eka-Do anu mempori, ka ipoboi komiu lumako i rahano ka rumongeo hapa anu komiu pauo.”

WINEWEUDO TINENA 10:35

Sompo mia maupo inso a tongku i sua anu doitoako Ira ka moweweu anu mentee Dopemoikoo.

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.