Powadi 14:10 - Wunta Mempori

¹⁰ Aroa tumo'orio pompemopoeno onaeno, ka mia susua nahi pokompetonda rumasao sanaano.

Powadi 14:10 ပူးပေါင်းရင်းမြစ်များ

Tegagia 42:21

Mpotae iramo pada ondaedo, ”Mentee ntu'u tomentembio halato a uaito atuu, hangano tomengkitao ma'iso ntu'u aroano tempono ipo'ema pompehohawato, sine nahi tomperorongeakono po'emano. Onaemo pu'uno ma'isoa andio umalu kita.”

2 Mokole 4:27

Sahaweno a ntorukuno atuu, i'inio moroso karuno tetenaa-Do Ue Ala atuu. I Gehasi merangkuhako mingki monsiao, sine tetenaa-Do Ue Ala atuu motae, ”Po'ineeomo hangano masusa aroano! Dowunio i Ue mongkona andio ndi ongkue ka nahi Dopauakune.”

Ayubi 10:1

”Kute'osaakono tuwuku, ineheku motolao masusaku, ineheku mepau a laro marasaino laroku.

Ayubi 21:25

Anu susua mateako mahaki aroa, nahi hori mompembasai anu moiko.

Ayubi 7:11

Onaemo pu'uno ongkue mbo'u nahi aku mo'ineeo ngangaku, aku mepau a laro ma'isono sumangaku, me'anaiki a laro masusano aroaku.

Ayubi 9:18

anu nahi po'inee aku menaa, sine mokomowohiakune mopa'ia.

Po'unde-unde 25:14

Ondae i Ue mesambe'e saru mia anu doitoako Ira, ka pedandia-Do Dopauako ira.

Powadi 15:13

Aroa anu mawongko weweuo rupa mewanta, sine mopoeno aroa mompokotetadi roso.

Powadi 18:14

Mia anu moroso aroano mokotembio marasaino, sine anu tetadi rosono, isema mokompomuleo?

Yehesikieli 3:14

Penaa-Do i Ue tumande aku ka wawa aku. Ongkue lumako saru aroa nahi sanaa ka mokula aroa, hangano kae-Do i Ue moroso dumadai aku.

I YOHANE 12:27

Kanandio-andio te'urense laro-Ku ka hapa anu Aku pauo? Ama, Ikadudui Akumo inso a tempo andio? Naahi, hangano onaemo pu'uno ka Kuhawe a tempo andio.

I YOHANE 14:18

Nahi Aku binta komiu gagi elu-elu. Aku wali hawe ndi omiu.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

PILIPI 4:7

Rodoa inso ndi Ondae Ue Ala, anu lumaloio luwuno akala, ta mekariao aroa ka pinewowolomiu ndi Ondae i Kerisituu Yesu.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

MENGKAAA 2:17

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, ndi onae Aku moweeakono inso a manna anu tewuni; ka Aku moweeakono watu mopute, anu i wawono teburi nee wo'ohu, anu nahi to'orio maupo isema, sangkadio anu tumarimao.”

1 Samueli 1:10

A laro masusano aroano, i Hana mekakai ndi Ondae i Ue i tondaakono mengese sensedu.

1 Samueli 1:15

Sine sumangki i Hana, ”Komba kanatuu, ue, ongkue andio asa beine anu tedoa me'isei aroaku. Nahi kupo'inu anggoro ke inua anu mompokomolangu, sine kuluarakono ihino aroaku i aro-Do i Ue.