Powadi 13:7 - Wunta Mempori

⁷ Hinao mia anu peleluno kana mia kaea, sine nahina hapa-hapano, hinao mbo'u anu mo'onde-onde mongkokolaro, sine arataano hadio.

Powadi 13:7 ပူးပေါင်းရင်းမြစ်များ

Powadi 11:24

Hinao anu ineheno mompowee, sine tetiangi kaea, hinao anu tedoa mo'uri, sine wela makura.

Powadi 12:9

Moikoopo gagi mia kodei, sine hinao atano, sekonopo melelu kana mia langkai potorono, sine makura kaanga.

Powadi 13:11

Arataa anu moruana ihinawe ta makura, sine isema mopumpu ntededei ta weweuo tetiangi.

Powadi 13:8

Kaeaa onaemo tolosino penaano asa mia, sine mia mongkokolaro nahi ta moronge pompokodoito.

I LUKASI 12:20

Sine pau-Do Ue Ala ndi onae: Hei omue mia benge-benge, ia wongi koa mbo'u andio penaamu ta inala inso ndi omue, ka hapa anu upatindaomo, tiano isemake te'ingka?

I LUKASI 12:21

Kanandiomo gagiano mia anu mopumpu arataa tiano koroino onaeno, ba nahi kaea i aro-Do Ue Ala.”

I LUKASI 12:33

Ime'asaomo luwuno arataamiu ka imeweeako iramo mia memongkokolaro! Impoweweumo kadu-kadumiu anu nahi ta teberi, asa arataa anu nahi ta pingko, anu nahi pokorangkuhio mia monako ka anu nahi solangio ane.

1 KORINTI 4:8

Memowohi komiumo, gagi komiumo mengkaea, maupo nahi saru omami megagi komiumo mokole. Anai, tedoa moiko tewala mentee kanandio, nine megagi komiumo mokole, ranta omami mbo'u tetonda gagi mokole saru omiu.

2 KORINTI 4:7

Sine arataamami andio a laro bolusa wita pulu, ka imengkaa, nine roso anu langkai ntu'u atuu inso ndi Ondae Ue Ala, komba inso ndi omami.

2 KORINTI 6:10

kana mia anu mompemasusa, sine memawongko mpiha, kana mia mongkokolaro, sine mompokokaea hadio mia; kana mia anu nahina hapa-hapano, maupo luwuakoano hinao ndi omami.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

2 PETURU 2:19

Domedandiako ira maradekaa a mia susua, kahinaano ondaemo isa'a atano matea, hangano isema anu ninangino mia, onaemo atano mia atuu.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:17

Hangano motaeko: Kaea aku ka kupokokaeaomo koroiku ka nahina makuraku hapa-hapa, ka hangano nahi uto'orio, nine marasaiko, ka urasa'o, mongkokolaro, morawu ka kolambe-lambe,