Powadi 12:21 - Wunta Mempori

²¹ Mia mentee nahi ta umaluo masolaa hapamo koa, sine mia mosa'o gauno ta wela masola.

Powadi 12:21 ပူးပေါင်းရင်းမြစ်များ

Po'unde-unde 121:7

Ondae i Ue Ira dumagaiko a luwuno masolaa; Ira dumagaio penaamu.

Po'unde-unde 91:10

masolaa nahi ta umaluko, ka pohuku nahi ta umpedaakono kemamu;

Powadi 1:31

ka ira mengkaano wuano wineweudo, ka gagi mowohiako sinongkado.

Powadi 1:33

Sine isema anu momperorongeako ndi ongkue, onae ta mo'ia rodo, rodo inso a mongkokongiriako masolaa.”

Powadi 11:21

Mia moweweu mosa'o manasa nahi ta tola inso a mpohuku, sine inuleno mia mentee ta kinadudui.

Powadi 12:20

Pompopo'oo kongko i laro aroano mia anu mosongka mosa'oa, sine mia anu mompau pohaweno mesintuwu mohawe mawongkoa.

Powadi 14:14

Mia anu aroano humapu Ira i Ue tendeako pesalaano, ka mia anu moiko saru hapa anu hina ndi onae.

Powadi 19:23

Doitoako Ira i Ue mowawa tuwua, onaemo ka itende mia mewongi, nahi aluo masolaa.

Puu Pontutulu 7:18

Moikoomo tewala omue uminio anu asa, sine anu susua mbo'u si potolao, hangano mia anu doitoako Ira Ue Ala umolaiakono oruano.

Puu Pontutulu 8:5

Isema anu tumondao parenta nahi ta membasaio mongkona anu monsolangi, ka aroano mia monto'ori tumo'orio tempo pobitaraa.

Habaku 2:16

Omue komowohiako pongkoko'iia, komba marambaa. Omue po'inumo mbo'u ranta ka upobangku-bangku. Ndi omuemo ta melimba piala inso a ngkae koana-Do i Ue, ka pongkoko'ii ta tumutuwio marambamu.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

1 PETURU 3:13

Ka isemake anu ta moweweu mosa'o ndi omiu, tewala memokua komiu mpoweweu moiko?

MENGKAAA 18:6

Pombalomo ndi onae, mengkena kana onae mbo'u mombalo, ka weeakonomo meluka mpendua montonda inanggano, saloakonomo meluka mpendua a laro tonde ponsaloano;