Powadi 11:24 - Wunta Mempori

²⁴ Hinao anu ineheno mompowee, sine tetiangi kaea, hinao anu tedoa mo'uri, sine wela makura.

Powadi 11:24 ပူးပေါင်းရင်းမြစ်များ

2 Tawarika 31:10

ka i Asaria, petewawado sando mpesomba, inuleno i Sadoki sumangkio, kanandio, ”Mompu'u iwinawa pesomba pinesusua a raha-Do i Ue, mpongkaa kami ranta ka kimemowohi, sine toreano da hadio. Hangano Doronsoomo i Ue bawaa-Do, ranta anu torea da tedoa hadio ntu'u.”

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Powadi 11:23

Po'eheno mia mentee butu koa anu moiko, pomperorohino mia mosa'o gauno butu koa tekuda.

Powadi 11:25

Isema hadio ipompowee ronso, pinoweeako hadio ntu'u, isema mompopo'inu, onae ta pinopo'inu.

Powadi 13:7

Hinao mia anu peleluno kana mia kaea, sine nahina hapa-hapano, hinao mbo'u anu mo'onde-onde mongkokolaro, sine arataano hadio.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Powadi 28:27

Isema mompowee a mia mongkokolaro nahi ta mompemakura, sine mia anu tumutuwio matano ta tedoa tinotonaa.

Powadi 28:8

Mia anu mokohadioakono bungano doi ke untu arataano, pumpuo atuu tiano mia anu mehohawao mia molema.

Puu Pontutulu 11:6

Tempono mo'oru rawoomo iniimu, ka ngkiniwia si po'ineeo kaemu menaa-naa, hangano nahi uto'orio onaeke andio ke atuu anu ta mewua, ke oruano pada moiko.

Hagai 1:6

Komiu mporawo hadio inii, sine hasilino tedei; komiu mpongkaa, sine nahi memowohi; komiu mpo'inu, sine nahi nte'osa; komiu mpesangka, sine koroimiu nahi pompemokula. Mia anu mo'angga ka itinambo, mohawe tambo a laro ngkadu-kadu anu mebolo!

Maleaki 3:8

Kana'umpeke mia mopo'oo Ira Ue Ala? Kahinaano, impopo'oo Aku. Sine, mpotae komiu, ”Kana'umpe kimpopo'oo Komiu?” Mongkona pesomba tia hopulu ka pesomba pinesusua!

I LUKASI 6:38

Impompoweemo ka komiu mempinowee: aasa ponsa'u anu moiko, anu pinokomodato, anu hineho ka anu te'uwu i bungkuno ta tinawa a laro mpo'awiamiu. Hangano ponsa'u anu imponsa'uako, komiu mensina'uako.”

Winali 15:10

Asalakono impoweeakono tehadio ntu'u kasi mobea aroamiu ba impoweeakono. Hangano onaemo pu'uno ka Doronso komiu i Ue, Ue Alamiu i laro luwuno anu inanggano kaemiu.