Powadi 10:17 - Wunta Mempori

¹⁷ Isema merioo pompaguru, melempa te'aro a ntuwua, sine isema nahi perioo pekuahako, onae tesaa.

Powadi 10:17 ပူးပေါင်းရင်းမြစ်များ

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Powadi 1:30

nahi dobehe mentarimao patuduku, sine mpebungkuio luwuno pekuahakoku,

Powadi 12:1

Isema mongkekewoi pompaguru, mongkekewoi ponto'ori, sine isema umo'aliaakono pongkuahako, onae benge-benge.

Powadi 15:10

Pompaguru anu lansara monsikori mia anu bintao pesalaa, ka isema mo'o'aliaako pongkuahako ta mate.

Powadi 15:32

Isema nahi perioo pompaguru tumadio koroino onaeno, sine isema rumongeo pongkuahako, mohawe pinewowolo molino.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Powadi 3:18

Onae gagi keu tuwuano mia anu metako ndi onae, isema anu me'ini ndi onae ta pinau me'ura.

Powadi 4:13

Pe'inimo a pompaguru, si potolao, pekariaomo, hangano onaemo tuwumu.

Powadi 4:4

dopaguru aku amaku, dopotae ndi ongkue, ”Po'ineeomo aroamu uminio pauku; pe'inimo a luwuno pontisoku, ka omue kotuwu.

Powadi 5:12

ka u'amba komotae, ”Ha, tembio ka ku'o'aliaakono pompaguru, ka aroaku mosa'oakono pongkuahako;

Powadi 5:14

Ilawupo kutedonta a laro sompo masolaa i tonga-tongado bawaa ka tepumpua.”

Powadi 6:23

Hangano parenta atuu hulu, ka pompaguru atuu wanta, ka pongkuahako anu mompaguru atuu sala ntuwua,

Puu Pontutulu 5:6

Hangano, kana hadiono mo'ipi, kanatuu koa mbo'u hadiono pinau anu nahina tuduno. Sine doitoako Iramo Ue Ala.

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 2:1

Onaemo pu'uno asalakono tompenootio ntu'u hapa anu tomerongeomo, ka si tomemolomo iwawa kita solo.

Puu Mpobitara 19:17

Itempono ikita ira mia anu kontongaado mpelempa i tana lapa kota, mepauomo mia mota'u atuu, ”Isua ba imelako, ka isua insoamiu?”