Powadi 1:22 - Wunta Mempori

²² ”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Powadi 1:22 ပူးပေါင်းရင်းမြစ်များ

Ayubi 34:7

Isemake kana i Ayubi, anu mo'oso pompepaukiako kana uwoi,

Po'unde-unde 1:1

Me'uraomo mia anu nahi pelempa tumondao po'oluakono mia mosa'o gauno, anu nahi pentade a mpesalaano mia tehala, ka anu nahi pentoro a tepumpuado mia mponggari-nggari,

Po'unde-unde 94:8

Pekokoongakono, hei omiu anu lalu benge-benge i olodo palili! Hei luwuno mia monge-monge, te'ipiake ka igagi mempande mposongka?

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 16:28

Onaemo ka Dopepau i Ue ndi Musa, ”Hawe te'ipia nahi mentondao parenta-Ku ka songka-Ku?

Powadi 1:21

i tompano sala maroa onae meboo-booli, a mpesalaa kodeino pewowa langkaino kota onae pauo luwuno pauno.

Powadi 1:29

Hangano o'aliado a ponto'ori ka nahi domebinikio doitoako Ira i Ue,

Powadi 1:32

Mentee ntu'u, mia anu napi hina pinembasaino ta mateako moteano aroano, ka mia monge-monge ta mateako nahi pomperiono.

Powadi 1:4

ka ipinoweeako pande ntu'u a mia anu napi hina pinembasaino, ka ponto'ori saru pandeno mosongka a mia mongura, –

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Powadi 14:6

Anu mompasinggiri mo'ungke ponto'ori anu mentee, sine nahina tuduno, sekono a mia anu hinao ponto'orino, ponto'ori atuu moruana.

Powadi 15:12

Anu mompasinggiri nahi behe kinuahako; onae nahi behe lumako a mia pande mosongka.

Powadi 19:29

Pohuku tetinda tiano anu mompasinggiri ka petunduhi tiano torukuno mia monge-monge.

Powadi 21:11

Tewala anu mompasinggiri hinuku, mia anu napi hina pinembasaino gagi pande mosongka, ka tewala mia pande mosongka pinoweeako pompaguru, onae ta mohawe ponto'ori.

Powadi 21:24

Mia mompelangka-langkai ka konangi-nangi ”Anu mompasinggiri” neeno, onae meleluako pompelangka-langkai anu laloomo lahi.

Powadi 22:3

Tempono mia anu pande mo'ungke akala kumitao masolaa, onae mewuni, sine mia anu napi hina pinembasaino melempa mpiha, ka i'amba kumonao masolaa.

Powadi 3:34

Tewala Ondae mo'aropi anu mompasinggiri, Ondae mbo'u mompasinggiri, sine mia anu me'urumako Dopehohawao.

Powadi 5:12

ka u'amba komotae, ”Ha, tembio ka ku'o'aliaakono pompaguru, ka aroaku mosa'oakono pongkuahako;

Powadi 6:9

Hei anu moluwe, opiapo tehineno upepombole? Te'ipiapoke upewangu inso a mpoturimu?

Powadi 7:7

kukitao i olodo anu napi hina pinembasaido, kuhaweo i olodo mia mongura asa ana ntama kontuwuano anu nahi molino pinewowolono,

Powadi 8:5

Hei mia anu napi hina pinembasaino, ungkeomo pande, hei mia monge-monge, to'oriomo i laro aroamu.

Yeremia 13:27

Ponsosabomu ka pekiilimu, mokoburuno pebelesumu i wawono pongku ka pada, luwuno wineweumu anu mokoburu atuu Kukitaomo. Masola komo ntu'u, hei Yerusale, hawe opiapo mbo'uke tempono ka u'amba gagi morina?

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Podoaa 14:27

”Hawe te'ipia mbo'u ke bawaa anu lambaha andio mpewuruki ndi Ongkue? Luwuno pewurukido to Isaraeli ndi Ongkue Kurongeomo.

I MATIU 17:17

Ka motae Iramo i Yesu, ”Hei omiu mia atuudo anu nahi mpompe'ala-ala ka anu mebulalingo te'opiapo mbo'u tehineno Kupo'ia i olomiu? Te'opiapo mbo'u tehineno Kusabara ndi omiu? Wawaomo nana'ote atuu ramai!”

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I MATIU 9:13

Gagi imelakomo ka impepaguruakonomo pengkonaano pau andio: Anu inehe-Ku onaemo pe'aroa ka pompehohawa ka komba pesomba, hangano hawe-Ku komba aiwa mompoboi mia mentee, tendeano mia tehala.”

I LUKASI 19:42

Dopotae, ”Anai, tedoa moiko tewala a oleo koa mbo'u andio upokonto'orio hapa anu kinere tiano rodoamu! Sine kanandio-andio mongkona atuu tewuni a matamu.

I YOHANE 3:20

Hangano ba isema moweweu mosa'o, i'o'aliaakono mewine ka nahi aiwa a mewine atuu, ka si tengkita luwuno wineweuno anu mosa'o atuu;

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!