Po'unde-unde 97:1 - Wunta Mempori

¹ Ondaemo i Ue Mokole! Po'ineeomo tolino ka ikokora-kora, po'ineeomo domemawongko luwuno togo!

Po'unde-unde 97:1 ပူးပေါင်းရင်းမြစ်များ

Tegagia 10:5

Insomo ndi ondae andio tesiarawo luwuno tongku i wiwi ntahi. Onaemo atuu inuleno i Yapeti, singge mia i witado saru paudo, montonda suku ka tongkudo.

Po'unde-unde 2:11

Pekakaako Iramo i Ue saru doito ka mawongkomo saru pondindi-ndidi,

Po'unde-unde 93:1

Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

Po'unde-unde 99:1

Ondaemo i Ue Mokole, po'ineeomo ka dompondidi-ndidi luwuno tongku. Ondae mo'ia i wawono kerubi, po'ineeomo ka itelelu tolino.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 41:5

Luwuno togo mengkitao ka gagi medoito, tompano mbo'u tolino mpondidi-ndidi; ondae mperangkuhako ka mehawe.

Yesaya 42:4

Onae nahi ta gagi momite ka nahi ta telupe, ranta ka iteahakono songka i tolino; luwuno togo mpoperorohi pompaguruno.

Yesaya 49:1

Ronge akumo, hei luwuno togo, pekokoongakonomo, hei tongku anu me'olai! Dopoboi akumo i Ue mompu'u inso a mpe'anakaa; Dopauomo neeku mompu'u inso a laro kompodo ineku.

Yesaya 49:13

Kokora-koramo mawongko, hei langi, kokora-koramo, hei tolino, ka impo'undemo saru kokora-kora memawongko, hei luwuno torukuno! Hangano Ondae i Ue tumarero ira bawaa-Do ka mehohawa ira mia-Do anu tepokonsii.

Yesaya 51:5

I larono asa mpiniro tekaduduia inso ndi Ongkue ta umpeda, tolaa anu Kuweeakomiu ta hawe, ka kae pabawa-Ku ta parenta ira tongku; ndi Ongkuemo luwuno togo mpesisikori, wineweuno kae-Ku domperorohio.

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

Yesaya 66:19

Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Sepanya 2:11

Ira medoito ndi Ondae i Ue, hangano Ira mokotampulao luwuno pinesombai susua i tolino. Luwuno tongku wita i wiwi ntahi ira mpenggolontu mpesombai Ira, singge mia inso a mpo'iangano.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

I MATIU 3:3

Menteeano onaemo anu tinoono nabi Yesaya tempono ipotae, ”Hinao suarano mia anu meboo-booli i pada one: Patindao sala tia-Do i Ue, pokomoleoako Ira sala-Do.”

I MATIU 6:10

Poparentaa-Miu ka ihawe, ka igagimo po'ehe-Miu i tolino kana i suruga.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MARAKUSU 11:10

rinonsoomo Poparentaa anu hawe, Poparentaado amato i Daudi, hosana a mpo'ianga anu i wawono ntu'u!”

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

MENGKAAA 11:17

saru mpotae, ”Mpontarimakasi kami ndi Omiu, oo Ue, Ue Ala, Anu Tedoa Pabawa, anu ndio ka anu ndio Komiumo, hangano I'iniomo pabawa-Miu anu langkai ka mompu'u Komiumo momparenta gagi mokole