Po'unde-unde 94:14 - Wunta Mempori

¹⁴ Hangano Ondae i Ue nahi Ira mebungkuio bawaa-Do, mia-Do isa'a nahi Ira bintao;

Po'unde-unde 94:14 ပူးပေါင်းရင်းမြစ်များ

Po'unde-unde 34:12

Aiwamo nana'ote, ronge akumo, aku paguruakomiu dumoitoako Ira i Ue!

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 74:2

Irambe iramo bawaa-Miu anu hinawe-Miu a tempo se'eluno anu tinolosi-Miu gagi tongku pine'ue-Miu! Irambeomo Torukuno Sioni anu pino'iangari-Miu.

Po'unde-unde 94:5

Bawaa-Miu, oo Ue, domempirego ira, mia-Miu isa'a dompokonsiio;

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yeremia 10:16

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo suku pine'ue-Do; Ueno luwuakoano, onaemo nee-Do!

Imama 26:44

Maupo kanandio, tempono domekongko i witano iwalido, nahi Aku mebungkui ira ke nahi Aku te'osaako ira, ranta Aku rumopu ira ka pedandia-Ku saru ondae nahi gagi, hangano Ongkuemo Ue, Ue Alado.

ROMA 8:30

Ka ondae anu pinakosi-Do se'eluno, ondae koa mbo'u pinoboi-Do. Ka ondae anu pinoboi-Do, ondae koa mbo'u pinokomentee-Do. Ka ondae anu pinokomentee-Do, ondae koa mbo'u pinokomaramba-Do.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.