Po'unde-unde 92:9 - Wunta Mempori

⁹ Sine Omiumo anu lalu mantande ranta nahina tampulaano, oo Ue!

Po'unde-unde 92:9 ပူးပေါင်းရင်းမြစ်များ

Po'unde-unde 1:4

Komba kanatuu mia mosa'o gauno: ondae kana kulino pae anu rinawono angi.

Po'unde-unde 102:13

Sine Omiu, oo Ue, mentoro a ngkadera poparentaa ranta nahina tampulaano, ka nee-Miu rinambe mpiha mapa'api-api inule.

Po'unde-unde 102:25

Kupotae, ”Oo Ue Alaku, si alao penaaku a entongano tinuwuku! Luwuno ta'u-Miu kongko mpiha mapa'api-api inule!”

Po'unde-unde 37:20

Menteeano mia mosa'o gauno ta mate; iwali-Do i Ue ta tampula kana tekosino ewo pada, ondae metampula kana ahu.

Po'unde-unde 59:11

Ondae Ue Alaku Ira tumotowoakune pompehohawa-Do; Ondae Ue Ala Ira weweu aku me'uru-uru ira iwaliku.

Po'unde-unde 68:30

Hangano raha-Miu i Yerusale, luwuno mokole mpohaweo pesomba ndi Omiu.

Po'unde-unde 73:27

Hangano menteeano, isema anu olai inso ndi Omiu ta mate; Ipepate ira luwu mia, anu nahi petenunu mbo'u ndi Omiu.

Po'unde-unde 89:10

Omiumo anu parentao pebundeno tahi anu tedoa mompelangka-langkai, tempono dopewuatako bombano, Omiu koa mbo'u anu mokotemontoo.

Po'unde-unde 97:9

Hangano Omiumo, oo Ue, Anu Tedoa Mantande i asa wawontolino, lalua Komiupo maramba sekonopo luwuno pinesombai.

Yesaya 17:13

Ondae me'u'uru kana u'uruno uwoi anu langkai, sine Ondae anu wurarai ira ranta ka dompolai olai, linulu kana kulino pae a ntorukuno iluluo pepuurino angi ka kana ota iluluo lompiu.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Podoaa 10:35

Sompo ipelungka burua pedandia atuu, motae i Musa, ”Ipentademo oo Ue, ka dontesiarawo iwali-Miu ka luwuno mia anu umo'aliaa-Komiu mpolai inso i aro-Miu.”

I MATIU 7:23

I tempomo atuu Aku pauako ira a menteeano ka mepau: Nahi Kuhori tumo'ori komiu! Impolaimo inso ndi Ongkue, luwumiu anu mpoweweu mosa'o!”

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

Puu Mpobitara 5:31

Kanandiomo domeropu luwu iwali-Miu, o Ue! Sine mia anu mehohawa Ira kana sabano oleo ia marambaano. Sintuwuomo wita atuu pato pulu nta'u tehineno.