Po'unde-unde 92:6 - Wunta Mempori

⁶ Langkai ntu'u luwuno inangga-Miu, oo Ue, ka tedoa ondalo luwuno sinongka-Miu.

Po'unde-unde 92:6 ပူးပေါင်းရင်းမြစ်များ

Po'unde-unde 104:24

Hadio ntu'u wineweu-Miu, oo Ue, luwuno Ipokogagiakono ponto'ori anu mentee, tolino bukeako pinokogagi-Miu.

Po'unde-unde 139:14

Montarimakasi aku ndi Omiu hangano ongkue pinokogagi montonda rupa-Miu; kinohali-haliako hapa anu wineweu-Miu, ka ito'orio ntu'u sumangaku.

Po'unde-unde 14:1

Tiano petewawado anu mpenani. Inso ndi Daudi. Mia monge-monge motae i laro aroano, ”Nahina Ue Ala.” Mosa'o ka mokoburu poweweudo, nahina moweweu moiko.

Po'unde-unde 32:9

Si kana ngara ke bagali anu nahina akalano, anu asalakono inatoraako koloro ka sama, tewala naahi, onae nahi ta umpedaakomu.

Po'unde-unde 49:10

ka ipotilalo tuwu mpiha, ka nahi kitao kekeno kaburu.

Po'unde-unde 73:22

benge-benge aku ka nahi kuponto'ori, kana aku pinotuwu umpeda ndi Omiu.

Po'unde-unde 75:4

Tolino ka luwuno palilino mpondidi-ndidi; sine Ongkuemo anu mokoroso ira karuno.” Sela

Po'unde-unde 94:8

Pekokoongakono, hei omiu anu lalu benge-benge i olodo palili! Hei luwuno mia monge-monge, te'ipiake ka igagi mempande mposongka?

Powadi 1:22

”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Powadi 24:7

Ponto'ori anu mentee mantande lahi a mia benge-benge; onae nahi ungkahio ngangano a mpewowa langkai.

Powadi 30:2

Hangano ongkue andio lalu benge-benge sekonopo mia susua, ponto'orino mia nahina ndi ongkue.

Yesaya 1:3

Sapi tumo'orio ueno, sine to Isaraeli naahi; kalide tumo'orio dulano ueno, sine bawaa-Ku naahi.”

Yesaya 28:29

Anu wela wineweu mbo'u andio te'inso ndi Ondae Ueno luwuakoano; Ondae kinohali-haliako a laro pomputusi ka maramba a laro posongkaa.

Yesaya 55:9

Kana mantandeno langi inso i tolino, kanatuumo mantandeno sala-Ku inso a nsalamiu ka tinoo-Ku inso a ntinoomiu.

Yeremia 10:14

Sompo mia mengkaa benge-benge, nahina tino'orino, ka sompo mia anu pande mo'angga wulaa gagi mokoko'ii hangano tinaha wineweuno. Hangano tinaha tinawano butu pompopo'oo, nahina penaa i larono,

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

I LUKASI 12:20

Sine pau-Do Ue Ala ndi onae: Hei omue mia benge-benge, ia wongi koa mbo'u andio penaamu ta inala inso ndi omue, ka hapa anu upatindaomo, tiano isemake te'ingka?

1 KORINTI 2:14

Sine mia tuwu ntolino nahi pontarima hapa anu te'inso a Mpenaa-Do Ue Ala, hangano ndi onae mongkona atuu onaemo aasa monge-mongea; ka nahi pokonto'orio, hangano mongkona atuu butu pinokonto'ori montonda rohani.