Po'unde-unde 91:2 - Wunta Mempori

² Onae ta mepau ndi Ondae i Ue: Pepekaduduiaku ka bente pekorahakoaku, Ue Alaku, anu pine'ala-alaku.

Po'unde-unde 91:2 ပူးပေါင်းရင်းမြစ်များ

Tegagia 17:7

Aku pakosio pedandia i olo-Ku ka omue saru inulemu mapa'api-api inule gagi pedandia anu nahina tampulaano, ka Ongkue gagi Ue Alamu ka Ue Alado inulemu.

Po'unde-unde 14:6

Omiu mokomperuanahio sinongkado mia tepokonsii, sine Ondae i Ue pepekaduduiano.

Po'unde-unde 142:5

Pengkitamo i koana ka kitaomo, nahina maupo te'asa mia anu merio aku; polaiaku tetadiomo, nahina maupo te'asa mia anu merio aku.

Po'unde-unde 142:6

Meboo-booli aku ndi omiu, oo Ue, kupotae, ”Omiumo pepekaduduiaku, tiaku i witado mia mentuwu!”

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 18:3

Oo Ue, pongku watuku, bente pekorahakoaku ka anu kumadudui aku, Ondae Ue Alaku, torukuno watuku, po'ianga pepekaduduiaku, kantaku, tandu tekaduduiaku, kota benteku!

Po'unde-unde 25:2

Ue Alaku, kupe'ala-ala Komiu; po'ineeomo ka si kupinokoko'ii; iwaliku ka si domengkokora-kora mpo'unde menggari-nggari aku.

Po'unde-unde 31:15

Sine ongkue, ndi Omiu kupompe'ala-ala, oo Ue, kupotae, ”Omiumo Ue Alaku!”

Po'unde-unde 43:4

Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Po'unde-unde 46:2

Ondae Ue Ala atuu ndi ontae pepekaduduia ka roso, gagi pontulungi a laro ma'isoa tedoa mengkaa.

Po'unde-unde 48:14

pekokoongakonomo rere watuno, pelempamo luwuno benteno, ka impokotutuluo a inule anu lembui:

Po'unde-unde 61:5

Po'ineeomo kupo'ia a laro ngkema-Miu ranta nahina tampulaano, po'ineeomo kupepekadudui i totono pe'egoano pani-Miu! Sela

Po'unde-unde 71:3

Igagimo torukuno watu pongkaduduiku, po'ianga moiko ku'aiwa sompo tempo. Lano medandi Komiumo Komiu kumadudui aku, hangano Omiumo pongku watuku ka pekorahakoaku.

Po'unde-unde 91:9

Hangano Ondae i Ue upokogagiomo pepekaduduiamu, Anu Tedoa Mantande uweweuo Iramo pe'engoamu,

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

I LUKASI 20:38

Ondae komba Ue Alado mia mate, tendeano Ue Alado mia mentuwu, hangano i aro-Do luwuno mia mentuwu.”

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.