Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.
Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.
Kontongaaku mpiha mengkita, kadera poparentaa meninaa, ka i'amba mentoroomo Anu Tende Ntinuwu. Sangka-Do mopute kana seru baku ka wuu-Do morina kana wulu bimba. Kadera poparentaa-Do inso a langano api saru luwuno rodano inso a api anu kontongaano tensila.
Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.
Kombake mompu'u i ndi'ipua Omiu Ue, Ue Alaku anu tedoa mempori? Nahi kami memate. Oo Ue, ondae Ipakosi iramo ka dompohuku. Oo Torukuno Watu Ipakosi iramo ka domposepi.