Po'unde-unde 9:5 - Wunta Mempori

⁵ Hangano Omiu umalaakono kara-karaku ka tiaku, Omiu mentoro a wawo ngkadera poparentaa gagi puu mpobitara anu moleo.

Po'unde-unde 9:5 ပူးပေါင်းရင်းမြစ်များ

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

Po'unde-unde 149:7

ka dompombalo a luwuno tongku, pohukua a luwuno suku tongku,

Po'unde-unde 2:1

Tembio ka domemarisu luwuno tongku, tembio luwuno suku tongku ka domposongka tepo'asaa anu nahina tuduno?

Po'unde-unde 5:6

Anu laba mpau nahi tangka i aro-Miu; I'o'aliaakono luwuno mia anu moweweu mosa'o.

Po'unde-unde 7:12

Ondae Ue Ala onaemo puu mpobitara anu moleo ka Ondae Ue Ala anu tekuda sompo tempo.

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Po'unde-unde 79:10

Tembio luwuno tongku susua pino'inee mpotae, ”Isua Ira Ue Alado?” Po'ineeomo pombaloa a reado tetenaa-Miu anu te'uwu pinokomengkaa i arono matamami i olodo tongku susua.

Powadi 10:7

Rambeano mia mentee mowawa ronso, sine neeno mia mosa'o gauno gagi mosa'o.

Powadi 13:9

Mewineno mia mentee mewanta moiko ntu'u, sekono huluno mia mosa'o gauno mate.

Yeremia 49:38

Aku numaao poparentaa-Ku i Elami, ka Aku mokotampulao inso i ra'ai mokole ka luwuno mia pinemota'u, kanandiomo pau-Do i Ue.

Ponsabangi 3:58

”Oo Ue, Iteahakonomo kara-karaku, Ikaduduiomo tuwuku.

Maleaki 4:3

Komiu melolanda ira mia mosa'o gaudo, hangano ira megagi awu a ntoto mpelengkarumiu, a oleo Kupohuku, pau-Do Ueno luwuakoano.

Winali 9:14

Po'ineemo Aku rumopu ira ka pahihio needo inso i wawontolino. Sine, omue Aku mokogagio aasa tongku anu lalu pabawa ka lalu hadio sekonopo ondae.”

MENGKAAA 19:15

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

1 Samueli 25:32

Motae i Daudi ndi Abigai, ”Unde-unde Iramo i Ue, Ue Alado to Isaraeli, anu tumenako aiwa tepohaweakune oleo andio.

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.