Po'unde-unde 89:3 - Wunta Mempori

³ Menteeano kupotae: Pompehohawa-Miu anu nahi bali winangu ranta nahina tampulaano; petenunu-Miu nahi telelu kana langi.

Po'unde-unde 89:3 ပူးပေါင်းရင်းမြစ်များ

2 Samueli 23:5

Komba kanatuuke somboriku i aro-Do Ue Ala? Hangano moweweu Iramo pedandia anu nahi ta bali saru ongkue, luwuno pinalele ka manasa ta tinonda. Hangano luwuno tekaduduia ka pinerorohiku, komba Ondaeke anu weweuo kai mentumba?

2 Samueli 3:9

Po'ineeomo Ondae Ue Ala humukuo mobea i Abinere, tendeano laluaopo mbo'u, ba nahi kuweweuo ndi Daudi kana anu dinandi-Do i Ue saru mesumpa ndi onae:

1 Mokole 8:16

Mompu'u Kuwawa ira bawaa-Ku Isaraeli mpeluarako inso i wita Masiri, nahi Kupobiniki maupo kota hapa inso i olono luwuno suku Isaraeli kai winangu asa raha kai po'ia nee-Ku i ra'ai, sine Kubinikiomo i Daudi kai pabawai ira bawaa-Ku Isaraeli.”

Po'unde-unde 132:11

Ondae i Ue mesumpa Iramo ndi Daudi, nahi Ira humapuo, ”Asa mia ana ngkoroimu Aku montoroo a wawo ngkadera poparentaamu;

Po'unde-unde 78:70

Dobinikio i Daudi, tetenaa-Do, Do'alao inso i olodo walano bawaa bembe bimba;

Po'unde-unde 89:19

Hangano kantato Ondae i Ue me'ueo, ka mokoleto Anu Tedoa Mempori me'ueo, Ue Alado to Isaraeli.

Po'unde-unde 89:28

Aku tumandeo mbo'u gagi ana aka, gagi anu tedoa mantande i olodo luwuno mokole ntolino.

Po'unde-unde 89:39

Sine Omiu isa'a nahi tarimao ka tumadio, gagi bamburu a mia anu inurapi-Miu,

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yeremia 30:9

Ira mpo'angga ndi Ondae i Ue, Ue Alado, ka ndi Daudi, mokoledo, anu Aku wanguako ira.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

WINEWEUDO TINENA 2:30

Sine ondae aasa nabi ka doto'orio, nine Ondae Ue Ala medandi Iramo ndi ondae saru mesumpa, nine Ira montoroo asa mia inso a inuledo isa'a i Daudi a ngkadera poparentaado.

IBARANI 7:21

sine Ondae saru sumpa, Dopauo anu mepau ndi Ondae, ”Ondae i Ue mesumpa Iramo ka nahi Ira me'o'ole: Omiu onaemo Sando Mpesomba ranta nahina tampulaano” –

Puu Mpobitara 2:1

Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,