Po'unde-unde 86:5 - Wunta Mempori

⁵ Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Po'unde-unde 86:5 ပူးပေါင်းရင်းမြစ်များ

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Po'unde-unde 103:3

Ondae anu umampunio luwuno salamu, anu mokotompao luwuno hakimu,

Po'unde-unde 103:8

Ondae i Ue me'aroa ka mompehohawa, tedoa sabara ka langkai ntu'u pompehohawa-Do.

Po'unde-unde 119:68

Omiu moiko ka moweweu moiko; Ipaguruakunemo luwuno pompakosi-Miu.

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 130:7

Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

Po'unde-unde 145:18

Ondae i Ue umpeda a sompo mia anu mebooli ndi Ondae, a sompo mia anu metenunu mebooli ndi Ondae.

Po'unde-unde 25:8

Ondae i Ue atuu moiko ka mentee; onaemo pu'uno, Ondae montisoakono pesalaano mia anu tesaa.

Po'unde-unde 36:7

Moleo-Miu kana luwuno torukuno-Do Ue Ala anu ondau, songka-Miu kana luwuno tahi malua anu mongkokongiri. Mia ka pinotuwu ikadudui ira, oo Ue.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 52:1

Tiano petewawado anu mpenani. Penani pompaguruno i Daudi,

Po'unde-unde 69:14

Sine ongkue, mekakai aku ndi Omiu, oo Ue, i tempo Ipemoikoo, oo Ue Ala; a pompehohawa-Miu anu langkai Isangkiakunemo pontulungi-Miu anu nahi otu-otu!

Po'unde-unde 69:16

Si po'ineeo uwoi moowo molomo aku, ke ondaloano tahi malua tumele aku, ka si po'ineeo sumuru mekomu umuko aku.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Yehesikieli 36:33

Kanandiomo pau-Do Ue Ala: A oleo Kupokomorina komiu inso a luwuno salamiu, Aku weweuo luwuno kota pino'iangario mbo'u ka luwuno anu tekale-kale wali winangu.

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Yoeli 2:13

Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

WINEWEUDO TINENA 2:21

Ka ba isema anu mebooli a nee-Do i Ue ta kinadudui.

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,