Po'unde-unde 82:3 - Wunta Mempori

³ Temoleomo a mia mongkokolaro ka a nana'ote nahina amano, pe'alakonomo tiado mia marasai ka makura!

Po'unde-unde 82:3 ပူးပေါင်းရင်းမြစ်များ

Ayubi 29:12

Hangano ongkue mongkadudui mia marasai anu mebooli mepetulungi, ka nana'ote nahina amano anu nahina tumulungio.

Ayubi 31:21

tewala kutaangakono kaeku umewaio nana'ote nahina amano, hangano a mpewowa langkai kukitao hinao anu mokowali aku,

Po'unde-unde 10:18

ka moweeako ira moleoa nana'ote nahina amano ka mia anu melinolanda; ka si hina maupo te'asa mia i tolino anu mosia mompokodoito.

Peluarakoa 23:3

Maupo a mia mongkokolaro, si po'alaako a laro kara-karano.

Peluarakoa 23:6

Si melinggeio tiado mia mongkokolaro i olomiu a laro kara-karano.

Powadi 31:9

Ungkahiomo ngangamu, alaomo pomputusi anu moleo ka alaakonomo tiano mia anu tepokonsii ka anu mongkokolaro.

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 22:16

Onae umalaakono kara-karano mia marasai ka mia mongkokolaro, ranta luwuno atuu moiko. Kombake atuu pengkonaano tumo'ori Aku? kanandiomo pau-Do i Ue.

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Sakaria 7:9

”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

Winali 10:18

Ondae mo'alaako tiado nana'ote nahina amado ka tuwu beine ka mehohawa ira mia hawe saru moweeako ira kaanga ka sangka.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.