Po'unde-unde 79:1 - Wunta Mempori

¹ Penani po'unde-undeno i Asapi. Oo Ue Ala, luwuno tongku susua domensapoi iramo mia-Miu, mengkokoburutio raha mempori-Miu, meweweuo Yerusale gagi howuno anu terawo.

Po'unde-unde 79:1 ပူးပေါင်းရင်းမြစ်များ

2 Mokole 24:13

I Nebukanesa lumuarakono inso i ra'ai luwuno anu pinekaria a raha-Do i Ue ka anu pinekaria a langkanaeno mokole. Ilangkoo mbo'u wulaa inso a luwuno parewa wulaa anu wineweuno i Salomo mokole i Isaraeli, i raha-Do i Ue kana anu Dopauomo i Ue.

2 Tawarika 36:17

Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno.

2 Tawarika 36:19

Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi.

Po'unde-unde 50:1

Penani po'unde-undeno i Asapi. Anu Tedoa Pabawa, Ondae Ue Ala, mepau ka moboio tolino, inso i sabaano oleo hawe a nsumooano.

Po'unde-unde 78:71

inso a mpo'iangado bimba anu mpompo'uo Dowawao ka ipakambio i Yako, bawaa-Do, ka Isaraeli mia-Do.

Peluarakoa 15:17

Iwawa ira ka Ipekaria ira a wawo ntorukuno-Miu; a mpo'ianga anu gagi po'iangaa-Miu, o Ue; a mpo'ianga mempori, anu winanguno kae-Miu, o Ue.

Yesaya 47:6

Ongkue hieno tekudaako ira bawaa-Ku, ka mengkokoburutio tia pusaka-Ku, ka meweengako ira a ngkaemu; Omue nahina pompehohawamu ndi ondae, tendeano tedoa upokomobeo tinembi a mia anu mota'u.

Yesaya 63:18

Tembio ka ibutu sarai bawaa-Miu anu mempori mpe'ueo po'ianga mempori-Miu, ka tendeano domelolandao anu umewai kami?

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 39:8

To Kasidimi rumopuo langkanaeno mokole ka rahado palili, ka do'amba mehoao luwuno rere watuno Yerusale.

Yeremia 51:51

Omami memokoko'ii, hangano mporonge kamimo pontetewehi, mokoko'iia mokoburutio rupamami, hangano dompewinsokiomo mia mehawe luwuno po'ianga mempori a Raha-Do i Ue.

Yeremia 52:13

Onae sumongkoo Raha-Do i Ue, rahano mokole ka luwuno raha i Yerusale; luwuno rahado anu langkai potorono isongkoo.

Ponsabangi 1:10

Ewaino weroo kaeno a luwuno arataano; tendeano ka ikitao kana'umpe luwuno tongku dompewinso a laro mpo'ianga memporino, kahinaano Omiu, oo Ue, i'onto iramo ka dompewinso bawaa-Miu.

Yehesikieli 9:7

Ka Do'amba mepau ndi ondae, ”Kokoburutiomo Raha Mempori atuu ka kintalano buketiakonomo mia anu mempinepate. Lakomo!” Lumako iramo meluarako ka weweuo pompepatea a laro ngkota.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

MENGKAAA 11:2

Sine sangkadio kintalano Raha Mempori anu i te'alaako i bungkuno, si songkao, hangano onae wineeako iramo tongku susua ka ira melolandao kota Mempori pato pulu ka orua wula tehineno.”