Po'unde-unde 74:15 - Wunta Mempori

¹⁵ Omiumo anu umungkahio mata uwoi ka korono; Omiumo anu mokomo'are ira korono anu biasano waa mpiha.

Po'unde-unde 74:15 ပူးပေါင်းရင်းမြစ်များ

2 Mokole 2:14

I'alao lemba meloeno i Elia anu tedontaomo atuu, ipesepiakono a wawo uwoi kai pebooli, ”Isua Komiu ke Ue Alano i Elia?” Tempono ipesepiakono a wawo uwoi, uwoi atuu tetia i apano anu asa ka i apano anu susua, ka i'amba mesakiakoomo i Elisa.

2 Mokole 2:8

I Elia umalao lemba meloeno, ikaluluo ka ipesepiakono a wawo uwoi atuu. Tetiaomo uwoi atuu i apano anu asa ka i apano anu susua, ka i'amba orua ira mesakiako a wita anu motu'i.

Po'unde-unde 105:41

Do'ungkahio torukuno watu, tepanaomo uwoi, ka i'amba waa kana korono a luwuno pada mokari;

Po'unde-unde 114:3

Tahi kumitao, ka i'amba molai, Koro Yarade mepokule i uluno uwoi.

Po'unde-unde 78:15

Dobansio torukuno watu i pada one, Dopopo'inu ira ranta te'osaado kana inso a luwuno ondaloano tahi;

Yesaya 11:16

Te'ipua ta hina sala langkai tiado bawaa-Do anu da mentuwu anu mpo'ia i Asuri, kana anu hinaomo tiado to Isaraeli i ndi'ipua, i tempono dompeluarako inso i wita Masiri.

Yesaya 44:27

Ongkuemo anu mepau a ondaloano tahi: Gagimo motu'i, Aku mokomotu'i ira koronomiu!

Yesaya 48:21

Ondae nahi domemarasai mokoranga, tempono Dowawa ira lumaloo luwuno po'ianga anu londa. Ondae moluarakoako ira uwoi inso a ntorukuno watu; Dobansio torukuno watu, ka mombusi-mbusiomo uwoi.

Habaku 3:9

Pana-Miu I'ungkahiomo, I'ihiiakonomo ana mpana. Meluarakoomo luwuno korono inso i tolino anu binansi-Miu.

Podoaa 20:11

Umarino atuu i Musa tumandeo kaeno, ka i'amba tumunduhiakono tukono pendua pongku watu atuu, onaemo ka ipeluarako hadio uwoi, ranta ka dompo'inu bawaa atuu ka pinotuwudo.

Yosua 2:10

Nde kimerongeo, nine Ondae i Ue moko'areo Tahi Teberau i aromiu, tempono impelempa mpeluarako inso i wita Masiri, ka hapa anu wineweumiu ia orua ira Mokoledo to Amori i asatowano koro Yarade, ndi Sihoni ka ndi Ogo, anu pinepatemiumo.

MENGKAAA 16:12

Ka mala'eka anu ko'onoo umuwuo tondeno a wawo ngkorono anu langkai, koro Eparata, ka i'amba mo'areomo uwoino, ka itetindamo pesalaado luwuno mokole anu me'aiwa inso i sabaano oleo.