Po'unde-unde 72:19 - Wunta Mempori

¹⁹ Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Po'unde-unde 72:19 ပူးပေါင်းရင်းမြစ်များ

1 Mokole 1:36

Sumangki i Benaya anano i Yoyada ndi ondae mokole, ”Ami! Kanatuumo pau-Do i Ue, Ue Alamiu ueku mokole!

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Po'unde-unde 89:52

Luwuno iwali-Miu mpotata, oo Ue, mentatao pelempano mia anu inurapi-Miu.

Yesaya 11:9

Nahina anu ta moweweu mosa'o ke anu mosa'o peleluno a luwuno torukuno-Ku anu mempori, hangano asa wawontolino bukeako ponto'ori ndi Ondae i Ue, kana montutuwi tahi malua.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Yeremia 28:6

motae nabi Yeremia, ”Ami! Po'ineeomo Ondae i Ue weweuo kanandio! Po'ineeomo Do'ihiio i Ue luwuno pau anu pinaumu ta gagi atuu ka ipinokule luwuno parewano Raha-Do i Ue ka luwuno mia mentinadi inso i Babeli a mpo'ianga andio.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Podoaa 14:21

Butumo koa, hangano Ongkue anu tuwu ka hangano maramba-Do i Ue anu buke asa wawo ntolino,

Podoaa 5:22

Hangano uwoi anu mowawa totonaa andio ta mewinso a laro ngkoroimu mokokambao pe'anakaamu ka mokongkodeio pu'u mpa'amu. Ka i'amba beine atuu asalakono motae: Ami, ami.

I MATIU 6:10

Poparentaa-Miu ka ihawe, ka igagimo po'ehe-Miu i tolino kana i suruga.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 22:20

Ondae anu mesakosii mongkona luwuno andio, mepau, ”Humbee, Aku ronga hawe!” Ami, I'aiwamo, Ue Yesu!

MENGKAAA 5:13

Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae, ”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”