Po'unde-unde 72:10 - Wunta Mempori

¹⁰ po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Po'unde-unde 72:10 ပူးပေါင်းရင်းမြစ်များ

Tegagia 10:7

Inuleno i Kusi, onaemo i Seba, i Hawila, i Sabata, i Raema, ka i Sabeteka. Luwuno anano i Raema, onaemo i Sieba, ka i Dedani.

1 Mokole 10:1

Mansano rumongeo mokole beine i wita Seba teleleno i Salomo, hangano nee-Do i Ue, onae aiwa ta umarahakono ka moweeakono pesikeno anu motungko luwu.

1 Mokole 10:10

Umarino atuu iweeakono mokole Salomo asa etu ka rua pulu talenta wulaa, rampa-rampa anu hadio ntu'u ka watu paramata anu motungko olino. Nami hori mbo'u hawe rampa-rampa kanatuu hadiono kana anu iweeakono mokole beine inso i Seba ndi mokole Salomo.

1 Mokole 10:2

Onae aiwa i Yerusale saru sorodadu hadio ntu'u anu mpetonda dumagaio, saru hadio unta anu mpowawa rampa-rampa, wulaa anu hadio ntu'u ka watu paramata anu motungko olino. Mansano hawe ndi Salomo, ipauakono luwu anu kongko i laro aroano.

1 Mokole 10:25

Singge mia aiwa mowawa pesombano, luwuno parewa salaka ka wulaa, sangka, parewa mpetea, rampa-rampa, ngara ka bagali. Kanandiomo sompo-sompo ta'u.

2 Tawarika 9:21

Hangano mokole hinao kapalano anu sumomba i Tarasisi meronga luwuno pegawaino i Hurami. Otolu nta'u pohona luwuno kapala Tarasisi aiwa mpowawa wulaa, salaka, ka tinduno gaja, saru bange ka manu-manu merak.

Esetere 10:1

Onaemo ka ipakosio mokole Ahasiwero peki'ue i wita poparentaa ka a luwuno wita i wiwi ntahi.

Po'unde-unde 45:12

Po'ineeomo mokole gagi mawongko ntu'u aroano hangano tekosimu, hangano onaemo uemu! Penggolontuumo ndi onae!

Po'unde-unde 68:29

Ipumpuomo roso-Miu, oo Ue Ala, pokorosoomo, oo Ue Ala, hapa anu Iweweuakamimo.

Po'unde-unde 68:30

Hangano raha-Miu i Yerusale, luwuno mokole mpohaweo pesomba ndi Omiu.

Yesaya 42:10

Penaniakonomo penani wo'ohu tia-Do i Ue ka unde-unde Iramo inso i tompano tolino, hei omiu anu mpetii a ntahi, hei luwuno ihino, luwuno togo saru luwuno palilino.

Yesaya 42:4

Onae nahi ta gagi momite ka nahi ta telupe, ranta ka iteahakono songka i tolino; luwuno togo mpoperorohi pompaguruno.

Yesaya 43:3

Hangano Ongkuemo Ue, Ue Alamu, Anu Tedoa Mempori, Ue Alado to Isaraeli, Puu Pongkaduduimu. Kupeweengakono Masiri gagi tolosimu, ka Etiopia saru Sieba gagi eumu.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 60:3

Luwuno tongku mpetonda-tonda me'aiwa a mewinemu, ka luwuno mokole me'aiwa a wanta anu saba ndi omue.

Yesaya 60:6

Hadio ntu'u unta ta buketio witamu, unta memongura inso i Midia ka Epa. Luwudo ira me'aiwa inso i Sieba, mpowawa wulaa ka dupa, saru mempaleleo tepalele-Do i Ue.

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

I MATIU 2:11

Ka mpewinso iramo i laro raha atuu, ka mengkitao nana'ote atuu saru i Maria, ine-Do, ka do'amba mpenggolontu mpesombai Ira. Ondae mbo'u me'ungkahio ponaapa arataado ka dompesombaakono pesomba ndi Ondae, onaemo io wulaa, dupa ka mire.