Po'unde-unde 71:5 - Wunta Mempori

⁵ Hangano Omiumo pinerorohiku, oo Ue, pine'ala-alaku mompu'u tempo mongura, oo Ue Ala.

Po'unde-unde 71:5 ပူးပေါင်းရင်းမြစ်များ

1 Mokole 18:12

Bara'ura ta gagi, tempono kulako inso ndi omiu, Penaa-Do i Ue tumande komiu a mpo'ianga anu nahi kuto'orio. Tewala hawe aku pauakono i Ahabi ka nahi hawe komiu, manasaomo ta mepate aku, kahinaano atamiu andio mompu'u da kodei dumoitoako Ira i Ue.

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

Po'unde-unde 119:166

Momperorohi aku tekaduduia inso ndi Omiu, oo Ue, ka kuweweuo luwuno parenta-Miu.

Po'unde-unde 119:81

Masusa aroaku monsisikori pongkadudui-Miu, momperorohi aku a mpau-Miu.

Po'unde-unde 13:5

ka si potae iwaliku, ”Kunangiomo,” ka anu me'ewai aku mpeboo-booli, tewala ongkue telelu.

Po'unde-unde 39:7

Onae telalo kana eo-eo! Mia butu mohohoiako anu nahina tuduno onae mohowu, sine nahi tino'ori isema anu humaweo te'ipua.

Po'unde-unde 42:11

Kana petobono matea a laro wukuku iwaliku tumata aku, saru mpotae ndi ongkue i larono asa oleo, ”I sua Ira Ue Alamu?”

Po'unde-unde 71:17

Oo Ue Ala, Ipaguru akumo mompu'u tempo kumongura, ka hawe kanandio-andio kupaleleo wineweu-Miu anu kinohali-haliako;

Puu Pontutulu 12:1

Pewowolo Iramo Anu mokogagiko i tempono umongura, se'eluno napi hawe oleo anu urasa'o ka me'umpedaako ta'u anu pinaumu, ”Nahina pompesanaaku i larono”;

Yeremia 14:8

Oo Pomperorohiano i Isaraeli, Anu tumulungio tempono ipompema'iso! Tembio ka Ikana mia hawe i wita andio, kana mia a laro pelempaa anu butu tetoro merato?

Yeremia 17:13

Oo Ue, pomperorohiado to Isaraeli, luwuno mia anu mpebungkui Komiu ira mpohawe mokoko'ii; mia anu mepansia inso ndi Omiu ira mebinuri a awu wita, hangano dompebungkui Komiumo Ue, insoano uwoi anu tuwu.

Yeremia 17:17

Siimo Igagi anu mongkokongiri ndi ongkue, Omiumo pepekaduduiaku a oleo masolaa.

Yeremia 17:7

Rinonsoomo mia anu momperorohi ndi Ondae i Ue, anu me'ala-alaakono koroino ndi Ondae i Ue!

Yeremia 50:7

Isemamo koa anu tepohaweako ira, ikaa ira, ka luwuno iwalido mpotae: Nahi kimensala! Hangano mentehala iramo ndi Ondae i Ue, po'iangano menteea, Ondae i Ue, pomperorohiado uempu'udo!

I LUKASI 2:40

Nana'ote atuu kolangka-langkai-Do ka gagi moroso, buke ponto'ori anu mentee, ka pe'aroa-Do Ue Ala kongko ndi Ondae.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

2 TIMOTIU 3:15

Pewowolo koa mbo'u nine inso kodei uto'oriomo Wunta Mempori anu mokompoweeakomu ponto'ori mentee katumaateko a ntekaduduia hangano pompe'ala-ala ndi Ondae i Kerisituu Yesu.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.