Po'unde-unde 71:22 - Wunta Mempori

²² Ongkue mbo'u ineheku menaniako-Miu po'unde-unde saru gambusu hangano pompehohawa-Miu nahi otu-otu, oo Ue Alaku, menania-Komiu penani po'unde-unde saru katapi, oo, Omiu Anu Tedoa Mempori, Ue Alado to Isaraeli.

Po'unde-unde 71:22 ပူးပေါင်းရင်းမြစ်များ

2 Mokole 19:22

Isemake anu pine'uru-urumu ka pinepaukiakomu? Te'aro ndi sema ke upepau meroku, ka mengkita mompelangka-langlai? Te'aro ndi Ondae anu tedoa Mempori Ue Alado to Isaraeli!

Po'unde-unde 138:2

Aku menggolontu mesomba te'aro a raha-Miu anu mempori ka umunde-undeo nee-Miu, hangano pompehohawa-Miu; hangano Iweweuo nee-Miu ka dandi-Miu lumaloio luwuakoano.

Po'unde-unde 144:9

Oo Ue Ala, aku menaniako-Miu penani wo'ohu, saru gambusu hopulu kolorono aku menani umunde-undea-Komiu,

Po'unde-unde 25:10

Luwuno pesalaa-Do i Ue onaemo pompehohawa ka menteea a mia anu me'ini a mpedandia-Do ka luwuno pompopoto'ori-Do.

Po'unde-unde 33:2

Pontarimakasimo ndi Ondae i Ue mompake katapi, penanimo unde-undeako Ira gambusu hopulu koloro!

Po'unde-unde 43:4

Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

Po'unde-unde 56:4

Tempono kudoito, kupe'ala-ala Komiu;

Po'unde-unde 78:41

Mararu dome'ara-arahako Ira Ue Ala, mokomahakio aroa-Do Anu Tedoa Mempori, Ue Alado to Isaraeli.

Po'unde-unde 89:1

Penani pompaguruno i Etani, to Eserahi.

Po'unde-unde 89:18

Hangano Omiu koa marambano rosodo, ka hangano Ipemoikoo Itiangio tanduno rosomami.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Po'unde-unde 98:4

Mengkokora-koramo temaroa tia-Do i Ue, hei asa wawontolino, impo'undemo, mengkokora-kora memawongko ka impenanimo mpo'unde-unde!

Po'unde-unde 98:5

Impenanimo mpo'unde-undeako katapi tia-Do i Ue, saru katapi ka nani anu meroku,

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 43:3

Hangano Ongkuemo Ue, Ue Alamu, Anu Tedoa Mempori, Ue Alado to Isaraeli, Puu Pongkaduduimu. Kupeweengakono Masiri gagi tolosimu, ka Etiopia saru Sieba gagi eumu.

Yesaya 5:16

Sine Ondae Ueno luwuakoano lano tedoa mantande a laro moleoa-Do, ka Ondae Ue Ala anu tedoa mempori mokomengkaao pentoroa-Do a laro menteea-Do.

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

Mika 7:20

Po'ineeomo Ipopokitao petenunu-Miu ndi Yako ka pompehohawa-Miu ndi Burahima kana anu Idandiomo saru mesumpa ndi ondae uempu'umami mompu'u i ndi'ipua!

ROMA 15:8

Tinooku onaemo, nine hangano mentee-Do Ue Ala Ondae i Kerisituu gagi Iramo puu pompekakaakodo mia mpetindi mokorosoo dandi anu Doweeako iramo uempu'uto,