Po'unde-unde 7:9 - Wunta Mempori

⁹ Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Po'unde-unde 7:9 ပူးပေါင်းရင်းမြစ်များ

Tegagia 20:5

Kombake tama atuu onaeno pauo ndi ongkue, ’Onae pepaekompoku’? Ka beine atuu, onaeno mbo'u pauo, ’Onae pepaekompoku.’ Mongkona andio kuweweuo a moleono aroaku ka saru kae anu nahi sala.”

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

Po'unde-unde 10:15

Ipuduomo tokiano mia mosa'o gauno ka mia mosa'o wineweuno, Ituntuomo hawe gauno anu mosa'o nami kohumaweo mbo'u.

Po'unde-unde 10:18

ka moweeako ira moleoa nana'ote nahina amano ka mia anu melinolanda; ka si hina maupo te'asa mia i tolino anu mosia mompokodoito.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 139:1

Tiano petewawado anu mpenani. Penani po'unde-undeno i Daudi. Ue, Omiu momparesa ka tumo'ori aku;

Po'unde-unde 17:3

Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Po'unde-unde 18:21

Ondae i Ue weweu aku menunu saru menteeku, Ondae paguru aku menunu saru memporino kaeku.

Po'unde-unde 26:2

I'arahako akumo, oo Ue, ka I'ara-arahako akumo; Ipepenteeomo laro aroaku ka aroaku.

Po'unde-unde 35:23

Ipekaangakomo ka Ipewangumo kumorahakono tiaku, korahakonomo kara-karaku, oo Ue Alaku ka Ueku!

Po'unde-unde 37:23

Ondae i Ue pakosio pelempano mia anu tuwuno Dopemoikoo;

Po'unde-unde 40:2

Tedoa aku sumisikori Ira i Ue; ka Do'amba mewolili ka rumongeo pebooliku mepetulungi.

Po'unde-unde 43:1

Ipowee akumo moleoa, oo Ue Ala, ka Ikorahakonomo kara-karaku a nsuku anu nahi moleo! Ipotola akumo inso a anu mompopo'oo ka mia molengku!

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Po'unde-unde 58:6

ranta nahi rongeo suarano puu mpesumpa ke suarano puu mpobasa tino'ori anu pande.

Po'unde-unde 9:9

Ondaemo anu bitarao wawontolino a moleoa ka bitarao luwuno tongku a menteea.

Po'unde-unde 96:10

Pepaumo i olodo luwuno tongku, ”Ondaemo i Ue Mokole! Mentee ntu'u, tolino mentade, nahi ta telelu. Ira bitarao luwuno tongku a laro menteea.”

Po'unde-unde 96:13

i aroDo i Ue, hangano hawe Ira, hangano Ondae hawe Ira bitarao tolino. Ira bitarao wawontolino a laro menteea, ka luwuno tongku a laro menteea-Do.

Po'unde-unde 98:9

i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.

Yeremia 11:20

Sine, oo Ueno luwuakoano, anu mobitara moleo, mo'arahako laro aroa ka aroa, po'ineeomo kukitao pombalo-Miu ndi ondae, hangano ndi Omiumo kuwawao kara-karaku.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 20:12

Oo Ueno luwuakoano, anu umarahako ira mia mentee, anu kumitao laro aroa ka aroa, po'ineeomo ka kukitao pombaloa-Miu ndi ondae, hangano kupohaweomo ndi Omiu kara-karaku.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

1 TESALONIKA 3:13

Po'ineeomo ka Dopokomorosoakomiu aroamiu, ka si hina tataano ka mempori, i aro-Do Ue Ala ka Amato a tempo hawea-Do i Yesu, Ueto, saru luwuno mia mempori-Do.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”

1 Samueli 2:9

Dokongkomio pelempado mia pinehohawa-Do, sine mia mosa'o gauno ira memate a wongi-wongiano, nde komba hangano roso onaeno, mia gagi pabawa.