Po'unde-unde 7:17 - Wunta Mempori

¹⁷ Lambahaa anu wineweuno mepokule umaluo uluno, ka lambahano metii dumunsio taku uluno.

Po'unde-unde 7:17 ပူးပေါင်းရင်းမြစ်များ

2 Samueli 3:29

Po'ineeomo atuu ipinopotembiako a uluno i Yoabi ka a luwuno pe'etuno. Po'ineeomo a inuleno i Yoabi nahi hori otu-otu mia anu moluarako nana, mia anu haki ngkuli mesaki, tama anu gagi puu pongkoloro, mia anu mateako ponai ba anu makuraako kaanga.”

1 Mokole 2:32

Ondae i Ue Ira mopotembiakono reano ndi onae, hangano ipepate iramo orua mia anu laluopo mentee ka moiko sekono onae. Saru ponai ka nahi doto'orio amaku i Daudi, ipepateo i Abinere anano i Nere, tadulako sorodadu Isaraeli, ka i Amasa anano i Yeteri, tadulako sorodadu Yehuda.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Po'unde-unde 111:3

Langkai ka maramba inangga-Do, moleo-Do nahi bali ranta nahina tampulaano.

Po'unde-unde 140:10

Po'ineeomo masolaa anu pinaudo mia mengkadu aku ka i'aluo uludo ondaedo!

Po'unde-unde 145:7

Pepopoto'ori a mpoweweu-Miu moiko anu langkai ta pinalele ka ira mengkokora-kora memawongkoakono moleo-Miu.

Po'unde-unde 35:28

Ka eloku ta wela pauo moleo-Miu, umunde-unde Komiu i larono asa oleo.

Po'unde-unde 51:14

Ipokuleakunemo mawongkoa hangano pongkadudui-Miu, ka Itumboakunemo penaa anu moroso!

Po'unde-unde 9:2

Aku umunde-unde Ira i Ue tompaano aroaku, aku popauo luwuno wineweu-Miu anu kinohali-haliako;

Po'unde-unde 92:1

Penani po'unde-unde. Penani tiano oleo Saba.

Po'unde-unde 92:8

Maupo mosa'o gauno mentumba kana ewo, ka mia anu moweweu mosa'o ntetiangi, ira merinopu ranta nahina tampulaano.

Po'unde-unde 98:2

Ondae i Ue Dopopoto'oriomo tekadudui-Do, Dopokomengkaaomo moleo-Do i arono matado luwuno tongku.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

WINEWEUDO TINENA 7:48

Sine Ondae Anu Lalu Mantande nahi Dopo'ia a laro hapa anu wineweuno kaeno mia, kana anu pinauno nabi:

Puu Mpobitara 9:24

Nde kanandiomo lambahado a pitu pulu anano i Yeruba'ala tembalo ka reado pinopokonaiako ndi Abimele, pepaekompodo anu mepate iramo ka a mpalili kota Sikeme anu mokowalio mepate ira luwuno pepaekompono atuu.

Puu Mpobitara 9:57

Ka mbo'u luwuakoano wineweudo to Sikeme anu mosa'o dopokokonaako ira Ondae Ue Ala ndi ondae. Kanandiomo petotonaano i Yota anano i Yeruba'ala kumonai ira.