Po'unde-unde 7:1 - Wunta Mempori

¹ Penani ponsabangino i Daudi, anu pinenaniako tia-Do i Ue hangano i Kusi, to Benami atuu.

Po'unde-unde 7:1 ပူးပေါင်းရင်းမြစ်များ

Po'unde-unde 11:1

Tiano petewawado anu mpenani. Inso ndi Daudi. Ndi Ondae i Ue kupepekadudui, kana'umpe komiu memosia mpotae ndi ongkue, ”Peneemo a ntorukuno kana manu-manu!”

Po'unde-unde 13:3

Opiapo mbo'u tehineno asalakono kusalalaro a laro ngkoroiku, ka mompemasusa te'asa oleo? Opiapo mbo'u tehineno iwaliku mpompelangka-langkai ndi ongkue?

Po'unde-unde 13:5

ka si potae iwaliku, ”Kunangiomo,” ka anu me'ewai aku mpeboo-booli, tewala ongkue telelu.

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 18:28

Omiumo anu kumadudui ira mia ntepokonsii, sine mata anu mompelangka-langkai Itotoakono.

Po'unde-unde 25:2

Ue Alaku, kupe'ala-ala Komiu; po'ineeomo ka si kupinokoko'ii; iwaliku ka si domengkokora-kora mpo'unde menggari-nggari aku.

Po'unde-unde 26:1

Inso ndi Daudi. Oo Ue, Ipokomengkaaomo nine ongkue mentee hangano tuwu akumo nahina tataano; Ndi Ondae i Ue kupompe'ala-ala nahi nanta-nanta.

Po'unde-unde 3:7

Nahi kudoito a pulu nsowuno mia anu kumadu aku inso a luwuno siuno.

Po'unde-unde 30:12

Ponsabangiku Ibaliomo gagi po'ense-ense mawongko, sangka po'inomboku Ilohuo, sangka mawongkoa Iponaakune,

Po'unde-unde 30:2

Aku umunde-unde Komiu, oo Ue, hangano Ipadii akumo i wawono, ka nahi weeako ira iwaliku mpo'undeakune.

Po'unde-unde 31:15

Sine ongkue, ndi Omiu kupompe'ala-ala, oo Ue, kupotae, ”Omiumo Ue Alaku!”

Po'unde-unde 32:10

Hadio pompemahaki pinemarasaino mia mosa'o gauno, sine mia anu mompe'ala-ala ndi Ondae i Ue ta lumimbuo pompehohawa anu nahi bali.

Po'unde-unde 43:4

Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yeremia 15:15

Omiu tumo'orio, oo Ue. Irambeomo ka Iperio akumo; Ipombaloakunemo a luwuno mia anu lumampui aku. Si po'inee aku inala, hangano melai sabara-Miu; Ito'oriomo mobeano kutembio pontetewehi hangano Omiu!

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Yeremia 31:18

Kurongeomo mentee ntu'u i Eparai mengese, ’Itunduhi akumo, ka kutarimao petunduhi, kana ana nsapi anu nahi pinaguru. Iwawa akumo mekule ka ineheku mepokule, hangano Omiumo Ue, Ue Alaku.

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Habaku 3:1

Pekakaino nabi Habaku montonda unino ponsabangi.

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

Yosua 14:8

Ka pe'etuku anu merongaakune lumako raane, gagi mompokomolusao aroado tongku atuu, ongkue kongkoku tumonda Ira i Ue, Ue Alaku ia moleono aroaku.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.