Po'unde-unde 67:7 - Wunta Mempori

⁷ Wita mompowee hasilino; Ondae Ue Ala, Ue Alato rumonso kita.

Po'unde-unde 67:7 ပူးပေါင်းရင်းမြစ်များ

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 29:11

Po'ineeomo Ondae i Ue ka Dopoweeako ira roso a bawaa-Do, po'ineeomo Ondae i Ue ka Doronso ira bawaa-Do rodoa ka manangai!

Po'unde-unde 33:8

Po'ineeomo luwuno tolino dumoitoako Ira i Ue, po'ineeomo luwuno palilino wawontolino dumoitoako Ira!

Po'unde-unde 65:5

Me'uraomo mia anu biniki-Miu ka wawao umpeda ndi Omiu; onae ta mo'ia a kintala-Miu. Po'ineeomo kimegagi mowohiako luwuno anu moiko a raha-Miu, a raha-Miu anu mempori.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yesaya 52:10

Dopopokitaomo i Ue kae-Do anu mempori i arono matado luwuno tongku; luwuno tompano tolino kumitao tekaduduia inso ndi Ondae Ue Alato.

Imama 26:4

Aku moweeakomiu usa ia tempono, ranta wita atuu mompowee hasilino ka keu a lere mompowee wuano.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

Sakaria 8:12

Hangano, Aku morawo rodoa. Keu anggoro ta mewua, wita ta mehasili ka langi ta mompowee uwoi tontoruno. Luwuno atuu Aku weeako ira toreano tongku andio gagi tiado.

Sakaria 9:10

Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

WINEWEUDO TINENA 13:26

Hei pepaekompoku, moiko anu tewinso a inuleno i Burahima, maupo anu doitoako Ira Ue Ala, lele tekaduduia atuu pinohaweomo ndi ontae.

WINEWEUDO TINENA 13:47

Hangano onaemo andio anu kimentinenaako: Kupakosikomo gagi mewinedo luwuno tongku anu nahi domento'ori Ira Ue Ala, ka upowawa tekaduduia hawe i tompano tolino.”

WINEWEUDO TINENA 2:28

Omiu mompauakune sala ntuwua; Komiu moweeakune hadio ntu'u mawongkoa i aro-Miu.

GALATIA 3:14

Doweweuomo i Kerisituu andio, ka ihawe a luwuno tongku susua ronsono i Burahima a ntepo'asaa saru Ondae, ranta hangano pompe'ala-ala mpontarima kita Penaa anu dinandiomo atuu.

GALATIA 3:9

Gaagi ondae anu mentuwu inso a pompe'ala-ala, ondaemo anu merinonso meronga saru i Burahima anu mompe'ala-ala atuu.

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”