Po'unde-unde 61:4 - Wunta Mempori

⁴ Mentee ntu'u Omiu gagi Komiumo pepekaduduiaku, menara anu moroso te'aro a iwali.

Po'unde-unde 61:4 ပူးပေါင်းရင်းမြစ်များ

Po'unde-unde 15:1

Penani po'unde-undeno i Daudi. Ue, isema anu moiko tetoro a laro ngkema-Miu? Isema anu moiko ipo'ia a ntorukuno-Miu anu mempori?

Po'unde-unde 17:8

Ipekaria akumo kana ihi mata-Miu, wuni akumo a laro pe'egoano pani-Miu

Po'unde-unde 23:6

Moikoa ka pompehohawa mpena ta tumondari aku, asa ntinuwuku; ka aku mo'ia a laro raha-Do i Ue asa ntinuwu.

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Po'unde-unde 57:1

Tiano petewawado anu mpenani. Montonda nanino Si Poropu. Mikitami Inso ndi Daudi, tempono ipolai inso ndi Saulu, a laro kunepo.

Po'unde-unde 61:7

Tiangiomo tinuwuno mokole, po'ineeomo ka imelai tinuwuno hawe ba opia inule,

Po'unde-unde 62:7

Butu koa Ondae torukuno watuku ka tekaduduiaku, kota benteku, nahi aku telelu.

Po'unde-unde 63:7

Tempono kurambe Komiu a mpoturiaku, kupo'ia mewowolo Komiu asa mpodagaia wongi;

Po'unde-unde 90:1

Pekakaino i Musa, tetenaa-Do Ue Ala. Ue, Omiumo pepekaduduiamami mapa'api-api inule.

Po'unde-unde 91:1

Mia anu mentoro a laro pongkadudui-Do Anu Tedoa Mantande ta merato a laro po'engoi-Do Anu Tedoa Pabawa.

Po'unde-unde 91:4

Saru pani-Do Ira borungiko, a ntoto pani-Do komepekadudui, petenunu-Do gagi kanta ka potempu.

Po'unde-unde 92:13

Mia mentee ta mentumba kana keu kuruma, ta tuwu mewalo kana keu arasi i Libano;

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

Ruti 2:12

Ondae i Ue anu sumuloo wineweumu atuu, ka Dopoweeakomu tambo te'inso ndi Ondae i Ue, Ue Alado to Isaraeli, anu i totono pani-Do haweko mepetulungi.”