Po'unde-unde 6:6 - Wunta Mempori

⁶ Hangano a mpo'iangado mia mate nahi domerambe Komiu mia; isemake anu ta umunde-unde-Komiu a ntolinodo mia mate?

Po'unde-unde 6:6 ပူးပေါင်းရင်းမြစ်များ

Ayubi 10:1

”Kute'osaakono tuwuku, ineheku motolao masusaku, ineheku mepau a laro marasaino laroku.

Ayubi 16:20

Maupo domempasinggiri aku sambe'eku, te'aro ndi Ondae Ue Ala mataku mentombu saru mengese,

Ayubi 23:2

”Kanandio-andio pompemasusaku gagi pe'ewa, kae-Do mobea dumanso aku ranta ka kupepetulungi.

Ayubi 7:3

kanandiomo kuwineeako luwuno wula anu nahina tuduno, ka kutinantuiako luwuno wongi masusaa.

Po'unde-unde 115:17

Komba mia mate anu ta umunde-unde Ira i Ue, ka komba mbo'u luwuno mia metiiomo a mpo'ianga boni-boni,

Po'unde-unde 30:10

”Hapake urano tewala penaaku binuta, tewala metii aku a laro kekeno kaburu? Polioke pampawu umunde-unde Komiu ka paleleo petenunu-Mu?

Po'unde-unde 38:9

piingko rosoku ka tedoa tededengke, meraali aku hangano aroaku tedoa mompemasusa.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Po'unde-unde 42:3

Sumangaku mokorangaako Omiu Ue Ala, Omiu Ue Ala anu tuwu. Te'ipiake moiko ku'aiwa kumitao rupa-Miu Ue Ala?

Po'unde-unde 69:3

Tondu aku a laro epe anu ondalo, nahina petadaa; tedonta akumo a laro uwoi a laro uwoi anu ondalo, ka mansolono mowo molomo aku.

Po'unde-unde 88:11

Nde Iweweuoke anu kinohali-haliako a mia mate? Kana'umpe onitu ta gagi mewangu ta umunde-unde Komiu? Sela

Po'unde-unde 88:9

Ipoko'olaiomo tepoto'oriku inso ndi ongkue, Iweweu akumo gagi mokoburudo. Te'uko aku ka nahi kupokompeluarako;

Yesaya 38:18

Hangano, tolinodo mia mate nahi poko'unde-unde Komiu, ka matea nahi poko'umunde-unde komiu; luwuno mia anu metii a laro ngkaburu nahi ponsikori petenunu-Miu.

Yeremia 14:17

Pauako iramo pau andio, ”Uwoi mataku nte'i'iti meene ka wongi nahi penaa-naa, hangano ana beine, ana beineno tongkuku, mobela langkai, mobela anu nahi ta tepakuli.

Ponsabangi 1:16

Onaemo ka kupengese, mataku mompowaa uwoi; hangano olai pontarero inso ndi ongkue anu mompokomadoo sumangaku; ntededengke iramo anaku, hangano iwaliku tedoa moroso.”

Ponsabangi 1:2

Ia wongi onae sensedu mengese, uwoi matano tewaa a kombisi; inso a luwuno pinehohawano, nahina maupo te'asa mia anu tumareroo. Luwuno walino nahi dompetenunu, ondae megagi iwalino.

Ponsabangi 2:11

Mataku mowewu hangano uwoi mata, aroaku nahi rodo; pingko terawo-rawo aroaku; hangano terawo-rawodo ana beineno tongkuku, hangano nana'ote ka ana da kodei memolema a luwuno tanalapano kota.

I LUKASI 7:38

Kontongaano mengese ka ilako mentade i bungku-Do i Yesu umpeda a ngkaru-Do, ka i'amba bahoakono uwoi matano karu-Do atuu ka ipahihiakono wuuno, ka i'amba woo-wooo karu-Do ka ilanaiakono mina-mina atuu.