Po'unde-unde 6:10 - Wunta Mempori

¹⁰ Dorongeomo i Ue po'emaku, Ondae i Ue tumarimao pekakaiku.

Po'unde-unde 6:10 ပူးပေါင်းရင်းမြစ်များ

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

Ayubi 6:29

Impepokulemo, siimo ihina gagi poweweu molengku, impepokulemo, manasa ongkue mentee.

Po'unde-unde 112:10

Mia mosa'o gauno kumitao, ka i'amba mahaki aroa, ipokingkio ngisino, ka i'amba gagi motewe aroa; po'eheno mia mosa'o gauno te'aro a matea.

Po'unde-unde 132:18

Luwuno iwalino Aku mokonaako ira sangka pompokongkodei, sine a wawo uluno ta mewanta ramba-ramba uluno.”

Po'unde-unde 2:5

Ka Do'amba mepau ndi ondae a laro ntekuda-Do ka a laro mokulano mosa'ono aroa-Do Dopokontewuka ira,

Po'unde-unde 25:3

Oo, luwuno mia anu sumikori Komiu nahi ta pinokoko'ii; po'ineeomo domempinokoko'ii anu moruana mohapu pedandia.

Po'unde-unde 35:26

Po'ineeomo domempinokoko'ii ka kongira-ngira luwuno mia anu mpo'undeakono urasa'oku; po'ineeomo mokoko'ii ka pontata gagi pesangkado mia anu pelangkaio koroido ndi ongkue!

Po'unde-unde 5:10

Hangano paudo nahina anu pine'ala-ala, laro aroado buke anu mosa'o, burokodo kana kaburu menganga, elodo buke pe'akala.

Po'unde-unde 55:20

Ondae Ue Ala anu mo'ia mompu'u tempo i ndi'ipua, Ira rumonge aku ka me'uru-uru ira. Hangano nahi dobehe mebalio tuwudo ka nahi domedoitoako Ira Ue Ala. Sela

Po'unde-unde 7:6

po'ineeomo ilulu aku iwali ka rumako aku, lumolandao tuwuku a wita, ka numaao pelangkaiku a laro pampawu.

Po'unde-unde 71:13

Po'ineeomo dompohawe mokoko'ii ka pingko memate mia anu mpe'iwaliakune; po'ineeomo dompesoumbuako pontata ka mokoko'iia mia anu pompewowolo masolaaku!

Po'unde-unde 71:24

Eloku mbo'u ta popauo moleo-Miu hawe sumoo oleo. Mentee ntu'u ondae anu mpompewowolo masolaaku ira mpohawe mokoko'ii ka pontata.

Po'unde-unde 73:19

Ha, sarai ntu'u ka dontedonta, tetadi moliu iteleo mongkokongirino matea!

Po'unde-unde 86:17

Iweweuomo ndi ongkue asa petondoni moikoa, ka domengkitao mia anu umo'aliaakune ka gagi memokoko'ii, hangano Omiu, oo Ue, Itulungi akumo ka tumarero aku.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.