Po'unde-unde 56:8 - Wunta Mempori

⁸ Kana'umpe ka dompokotola? Ipokompetuundu iramo tongku andio a laro tekuda-Miu, oo Ue Ala!

Po'unde-unde 56:8 ပူးပေါင်းရင်းမြစ်များ

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

Ayubi 16:20

Maupo domempasinggiri aku sambe'eku, te'aro ndi Ondae Ue Ala mataku mentombu saru mengese,

Po'unde-unde 121:8

Ondae i Ue Ira dumagaio peluarakomu ka pewinsomu, mompu'u kanandio-andio hawe nahina tampulaano.

Po'unde-unde 139:16

mata-Miu kumita aku tempono da a laro mpe'anakaa, ka a wunta-Miu luwuno teburiomo, luwuno oleo anu pinokogagiomo, se'eluno napi hina maupo te'asa oleo.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 18:23

Sine Omiu, oo Ue, Omiu tumo'orio luwuno tinoodo mingki mpepate aku. Siimo I'oniniako ira salado, ka siimo Ipahihio halado inso i aro-Miu, sine po'ineeomo dontetidu i aro-Miu; a oleo tekuda-Miu Iweweuo ndi ondae!

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

I MATIU 10:30

Ka omiu, maupo wuu a ulumiu luwuno dinoa.

2 KORINTI 11:26

A pelempaaku mararu ipokodoito aku mongkokongirino moowo ka mongkokongirino anu mperontu, mongkokongiria inso a to Yahudi ka inso anu komba to Yahudi; mongkokongiria a ngkota, mongkokongiria i pada one, mongkokongiria a ntonga ntahi, ka mongkokongiria inso a mpepaekompo anu mpo'onde-onde.

IBARANI 11:13

Luwudo andio memate iramo a pompe'ala-ala gagi mia anu nahi dompohawe hapa anu dinandi atuu, sine butu domengkitao inso olai ka mengkawe-kaweo ka memangakuakono, nine ondae mia hawe ka mehawe i tolino andio.

IBARANI 11:38

Wawontolino andio nahi pototo ndi ondae. Mpo'itu-itu ira i pada one ka a mentorukuno, a laro ngkunepo ka a ntebokano wita.

IBARANI 11:8

Hangano pompe'ala-ala i Burahima metenunu, tempono ipinoboi ka ipelungka lumako i wita anu ta tumarimao gagi tia pusakano, ka i'amba melungka nahi to'orio po'ianga anu te'aroano.

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”

1 Samueli 19:18

I Daudi molai, ka itola. Onae aiwa ndi Semueli i Rama, ka ipauakono luwu wineweuno i Saulu ndi onae. Ka i'amba lumako iramo i Daudi saru i Semueli mo'ia i Nayoti.

1 Samueli 27:1

Motae i Daudi i laro aroano, ”Asa tempo ta mepate aku i Saulu. Laluopo aku lumako i witado to Pelisiti. Gagi nami ta hori mbo'u i Saulu umungke aku a luwuno witado to Isaraeli ka akumo tola inso a ngkaeno.”