Po'unde-unde 50:21 - Wunta Mempori

²¹ Onaemo anu wineweumu, sine Ongkue mo'ia-ia; potaemu nine Ongkue andio mengkena kana omue. Kanandio-andio Aku mesakosii umewaiko ka wawao kara-kara andio i aromu.

Po'unde-unde 50:21 ပူးပေါင်းရင်းမြစ်များ

Ayubi 34:33

Montonda pohawemu nde asalakonoke Ondae Ue Ala moweweu pombaloa hangano nahi utarimao? Gagi, omuemo anu asalakono putusio, komba ongkue; pauomo hapa anu tino'orimu!

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Po'unde-unde 50:8

Komba hangano pesomba sinumbelemu ka Kukuahakomu; kombake pesomba tinunumu wela pinesombaako i aro-Ku?

Po'unde-unde 73:11

Dompotae, ”Kana'umpe ka Doto'orio Ue Ala mongkona atuu, hinaoke ponto'ori ndi Ondae Anu Tedoa Mantande?”

Po'unde-unde 90:8

Salamami Inaao i aro-Miu, tendeano maupo anu tewuni a laro wantano rupa-Miu.

Peluarakoa 3:14

Pau-Do Ue Ala ndi Musa, ”ONGKUE ONAEMO ONGKUE.” Pau-Do mbo'u, ”Kanandiomo pauako ira to Isaraeli atuu: ONGKUEMO ONGKUE anu tumena akumo aiwa ndi omiu.”

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Yesaya 26:10

Ande-andeno mia mosa'o gauno pinehohawa, onae nahi ta mepaguru hapa anu mentee; onae ta moweweu molengku a wita po'iangano songka pinolempa, ka nahi ta kumitao maramba-Do i Ue.

Yesaya 42:14

Nahi Kupepau mompu'u i ndi'ipua, menoro-noro Aku, Kupeteao aroa-Ku; kanandio-andio Aku meraepi kana beine anu me'ana, Aku memuuli ka mewunsuli.

Yesaya 57:11

Ndi sema upondende ka doito, ranta ka upegaupi ka nahi urambe Aku ke numaa Aku a laro aroamu? Kombake hangano tehineomo nahi Kupepau, onaemo ka nahi udoito ndi Ongkue!

Yeremia 2:23

Nde kana'umpe ka upotae: Nahi kuhori mokoburutio koroiku, nahi kuhori tumonda ira Baala? Kitaomo pelelumu i lembono, to'oriomo hapa anu umari wineweumu: hei unta waino anu melulu-lulu ngkoraane ngkoramai,

Amosi 8:7

Ondae i Ue mesumpa Iramo a mpo'undeno i Yako, ”Menteeano nahi Aku hori kumolupeo luwuno wineweudo!

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!