Po'unde-unde 50:14 - Wunta Mempori

¹⁴ Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 50:14 ပူးပေါင်းရင်းမြစ်များ

Ayubi 22:27

Tewala mekakaiko ndi Ondae, Ira Uminduo pekakaimu, ka omue ko'umowahio pontangamu.

Po'unde-unde 147:1

Haleluya! Moiko ntu'u menani umunde-unde Ira Ue Alato, tekosi ntu'u menaniako penani po'unde-unde.

Po'unde-unde 22:25

Hangano komba Dopokongkuramao ke meruanahio marasaino mia anu tepokonsii, komba Dowunio rupa-Do a mia atuu, ka Dorongeo peboolino mepetulungi.

Po'unde-unde 22:26

Hangano Omiu ongkue menaniako po'unde-unde a laro bawaa anu langkai; tinangaku aku umowahio i arodo anu doitoako Ira.

Po'unde-unde 27:6

Ka kanandio-andio kupontadeo uluku, umaropi ira iwali anu kumadu aku; a laro ngkema-Do kupesombaakono pesomba saru kokora-kora mo'unde; aku menani ka menaniako po'unde-unde tia-Do i Ue.

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 56:12

ndi Ondae Ue Ala kupompe'ala-ala, nahi kudoito. Hapake anu pinokoweweuno mia ndi ongkue?

Po'unde-unde 61:8

po'ineeomo ka ipo'ia mpiha i aro-Do Ue Ala, pakosiomo pompehohawa ka menteea dumagaio.

Po'unde-unde 65:1

Tiano petewawado anu mpenani. Penani po'unde-undeno i Daudi. Penani.

Po'unde-unde 69:32

hangano mongkona atuu Dopemoikoopo i Ue sekonopo sapi lakino, sekonopo ana nsapi lakino anu metandu ka mekuku tebansi.

Po'unde-unde 76:11

Menteeano mokulano aroano mia ta mepokule gagi umakui Komiu, ka toreano mokula aroa atuu Komiu umontoo.

Po'unde-unde 76:12

Pontangamo ka owahiomo tinangamu atuu ndi Ondae i Ue, Ue Alamu! Po'ineeomo luwuno anu tumonda Ira pompowee pesomba ndi Ondae anu dinoitoako.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Nahumi 1:15

Kitaomo! A wawo luwuno torukuno pelempaado mia anu mpowawa lele, anu mpopalele rodoa ka manangaia. Rame-rameomo oleo langkaimu, oo Yehuda, owahiomo pontangamu! Hangano nahi ta hina mbo'u mia lambaha sumapoiko; onae pinokotampulaomo mpiha!

Nahumi 2:1

Puu mperumpa aiwa ndi omue; dagaiomo bente, tangkoroomo sala, peboo ntongamo temoroso, pumpuomo luwuno rosomu!

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

Winali 23:21

”Tewala montangako ndi Ondae i Ue, Ue Alamu, sipotuluo weweuo, hangano manasa Ondae i Ue, Ue Alamu, Ira tumuntuo inso ndi omue, onaemo kai gagi halamu.

Winali 23:22

Sine tewala komba montangako, mongkona atuu komba gagi halamu.

Winali 23:23

Hapa anu meluarako inso a wiwimu, asalakono petenunu weweuo, hangano po'eheno aroamu montanga ndi Ondae i Ue, Ue Alamu, asa rupa anu pinauno ngangamu.”

Winali 23:24

”Tewala molaloko lere anggorodo pe'asa miamu, moiko upongkaa wuano anggoro po'eheno aroamu, sine sipowinso a laro pontongomu.

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako: