Po'unde-unde 5:4 - Wunta Mempori

⁴ Ue, i tempono mo'oru Irongeo suaraku, itempono mo'oru kuwileo ihino aroaku ndi Omiu, ka kupesisikori.

Po'unde-unde 5:4 ပူးပေါင်းရင်းမြစ်များ

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Po'unde-unde 101:7

Mia anu mompopo'oo nahi ta mo'ia a laro rahaku, mia anu megaupi nahi ta polio mentade i aroku.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 140:13

Kuto'orio nine Ondae i Ue Ira moweeakono moleoa a mia anu tepokonsii, ka umalaakono kara-karano mia mongkokolaro.

Po'unde-unde 50:21

Onaemo anu wineweumu, sine Ongkue mo'ia-ia; potaemu nine Ongkue andio mengkena kana omue. Kanandio-andio Aku mesakosii umewaiko ka wawao kara-kara andio i aromu.

Po'unde-unde 63:2

Oo Ue Ala, Omiumo Ue Alaku, mo'o-mo'oru ku'ungke Komiu, sumangaku mokoranga ndi Omiu, koroiku mokendo kumekewoi Komiu, kana wita anu motu'i ka mokoranga, nahi me'uwoi.

Po'unde-unde 88:14

Sine ongkue andio, oo Ue, ndi Omiu kupebooli mepetulungi, ka i tempono mo'oru pekakaiku hawe i aro-Miu.

Po'unde-unde 92:15

Maupo tempono mota'u da mpewua ira, madoo mpiha ka moroso,

Po'unde-unde 94:20

Nde kana'umpe ka Ipedandi tepo'asa mpobitaraa anu mosa'o, anu mowawa masolaa me'empehiako atora?

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Maleaki 2:17

Omiu mpokomasusa Ira i Ue hangano pinaumiu. Sine omiu mpesikeno, ”Kana'umpeke kimpokomasusa Ira?” Saru mpotae, ”Sompo mia anu moweweu mosa'o atuu moiko a pongkita-Do i Ue; Dopemoiko ira ke saru pesikeno isuake Ondae Ue Ala anu moleo atuu?”

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

2 PETURU 3:13

Sine menunu saru dandi-Do, tomensikorio langi anu wo'ohu ka tolino anu wo'ohu, po'iangano menteea.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.