Po'unde-unde 5:10 - Wunta Mempori

¹⁰ Hangano paudo nahina anu pine'ala-ala, laro aroado buke anu mosa'o, burokodo kana kaburu menganga, elodo buke pe'akala.

Po'unde-unde 5:10 ပူးပေါင်းရင်းမြစ်များ

2 Samueli 15:31

Ndi Daudi pinauako kanandio, ”I Ahitopeli kongko i olodo mia anu ntepo'asaakono i Abisalo.” Motaeomo i Daudi. ”Siimo Ipokogagio patuduno i Ahitopeli atuu, oo Ue.”

2 Samueli 17:14

Motae i Abisalo ka luwudo to Isaraeli, ”Patuduno i Husai, to Araki, moikoopo sekono patuduno i Ahitopeli.” Lano Ondae i Ue Dopatotoomo kasi gagi patuduno i Ahitopeli anu moiko, ka Dopoweeakono i Ue masolaa ndi Abisalo.

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Po'unde-unde 10:15

Ipuduomo tokiano mia mosa'o gauno ka mia mosa'o wineweuno, Ituntuomo hawe gauno anu mosa'o nami kohumaweo mbo'u.

Po'unde-unde 107:11

Hangano dome'ewaio luwuno parenta-Do Ue Ala, ka mentatao songka-Do Anu Tedoa Mantande,

Po'unde-unde 17:13

Ipentademo, Ue, I'aropi iramo ka pobangku iramo, saru ponai-Miu Ipotola akumo inso a mia mosa'o gauno.

Po'unde-unde 31:18

Ue, si po'inee aku pinokoko'ii, hangano mebooli aku ndi Omiu; po'inee iramo mia mosa'o gaudo mempinokoko'ii ka mpetii a ntolinodo mia mate ka mengkomino.

Po'unde-unde 35:26

Po'ineeomo domempinokoko'ii ka kongira-ngira luwuno mia anu mpo'undeakono urasa'oku; po'ineeomo mokoko'ii ka pontata gagi pesangkado mia anu pelangkaio koroido ndi ongkue!

Po'unde-unde 55:15

tedoa tekosi i ndi'ipua to mesambe'e, mewinso a raha-Do Ue Ala a ntongano maroaa.

Po'unde-unde 66:7

anu moparentaako roso ka mosia anu nahina tampulaano. Mata-Do moposooo luwuno tongku, ka si dompompelangka-langkai anu me'ewa. Sela

Po'unde-unde 71:13

Po'ineeomo dompohawe mokoko'ii ka pingko memate mia anu mpe'iwaliakune; po'ineeomo dompesoumbuako pontata ka mokoko'iia mia anu pompewowolo masolaaku!

Po'unde-unde 79:12

Pokuleomo meluka opitu a wawo mpa'ado tongku pehori-hori, pompepaukiako anu dompetadiakono ndi Omiu, oo Ue!

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 1:20

Sine tewala mpe'ewa komiu, ta kumaa komiu ponai.” Mentee ntu'u, Ondae i Ue anu pauo.

Yesaya 63:10

Sine, ondae me'ewa ka mokomasusao Penaa-Do anu mempori; onaemo ka Dopewolili gagi iwali, ka Ondae-Do isa'a metea umewai ira.

Ponsabangi 1:5

Luwuno anu me'ewaio pabawaio, luwuno iwalino mempo'unde. Mentee ntu'u, Ondae i Ue weweuo boni-boni, hangano hadio salano; nana'oteno mpelempa i arodo iwali gagi mia mentinawa.

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

1 KORINTI 3:19

Hangano ponto'orino wawontolino andio Dopebenge-bengeo Ue Ala. Hangano hinao teburi, ”Ondae anu morako mia monto'ori a laro mpandeno mo'ungke akala.”

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

1 Samueli 25:29

Ande-andeno hinao mia anu lumulu komiu ta mepate komiu, penaamiu ta tekadudui a laro luwuno mia anu mentuwu mpomperorohi ndi Ondae i Ue, Ue Alamiu, sine penaado iwalimiu Ira mesembiakono.

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.