Po'unde-unde 49:11 - Wunta Mempori

¹¹ Kitaomo: mia monto'ori mentee mate, mia mebenge-benge ka monge-monge mbo'u memate mperonga-ronga ka mebintao arataado tiano mia susua.

Po'unde-unde 49:11 ပူးပေါင်းရင်းမြစ်များ

Tegagia 4:17

I Kai mewowaliakono beineno, ka i'amba beine atuu mentia ka ipe'anaakono i Heno. Ka i'amba i Kai mowangu asa kota anu ineeakono Heno, montonda neeno anano.

2 Samueli 18:18

Tempono da ituwu, i Abisalo mowanguomo tuguno anu kanandio-andio kongko i Lembono Mokole, hangano potaeno, ”Nahina ana ntamaku anu motilaloakono rorambeno neeku.” Ineeakono tugu atuu montonda neeno onaeno. Hawe oleo andio tugu atuu pinewua Tugu rorambeno i Abisalo.

Po'unde-unde 10:6

Onae mepau i laro aroano, ”Nahi aku telelu. Nahi ta umalu aku masolaa mapa'api-api inule.”

Po'unde-unde 39:7

Onae telalo kana eo-eo! Mia butu mohohoiako anu nahina tuduno onae mohowu, sine nahi tino'ori isema anu humaweo te'ipua.

Po'unde-unde 5:9

Ue, Itaate akumo a laro moleoa-Miu hangano iwaliku; Ipokomereteomo pesalaa-Miu i aroku.

Po'unde-unde 64:6

Pada ira mpepokomoroso a laro mpoweweua mosa'o, menteriso ira ka nahi teto'ori domponta'o pompete'umala; dompotae, ”Isema anu kumitao?”

Puu Pontutulu 2:14

Matano mia monto'ori kongko a uluno, sekono mia anu benge-benge melempa a laro wongi-wongia, sine kuto'orio koa mbo'u nine teweweu anu mengkena umalu ira luwu.

Puu Pontutulu 2:21

Hangano, tewala hinao mia me'i'iseiako ponto'ori, ka pande mo'angga, onae asalakono mobinta tiano a mia anu nahi pe'iseiakono atuu. Ndio mbo'u nahina tuduno ka urasa'o anu langkai.

Yehesikieli 38:10

Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.

I LUKASI 11:39

Sine motae Ira i Ue ndi onae, ”Omiu to Parisi, impokomorinao bungkuno tonde ka sempe, sine i laromiu buke rinontu ka mosa'oa.

WINEWEUDO TINENA 8:22

Gagi tepidimo inso a mpoweweumu anu mosa'o andio ka pekakaimo ndi Ondae i Ue, ka Do'ampuniakomu tinoono aroamu andio;

Winali 3:14

I Yaeri, anano i Manase, umalao luwuno pinebawaino i Arigo hawe tida witado to Gesuri ka to Ma'aka. Wita atuu, Basani, nineeako montonda neeno koroino ”Hawoti-Yaeri”, hawe oleo andio.

1 Samueli 15:12

Da mo'oru, mewanguomo i Semueli lumako ta tepohaweakono i Saulu, sine pinauako i Semueli nine, ”I Saulu lumakoomo i Karameli mowangu tugu petondoni poponangino. Ka i'amba mekule lumako i Giliga.”