Po'unde-unde 47:2 - Wunta Mempori

² Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 47:2 ပူးပေါင်းရင်းမြစ်များ

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Po'unde-unde 145:6

Luwuno wineweu-Miu anu mongkokongiri ta pinalele ka langkaino pabawa-Miu aku tumutuluo.

Po'unde-unde 47:7

Penanimo unde-unde Ira Ue Ala, penanimo unde-unde Ira, penanimo unde-unde Ira Mokoleto, penanimo unde-unde Ira!

Po'unde-unde 65:5

Me'uraomo mia anu biniki-Miu ka wawao umpeda ndi Omiu; onae ta mo'ia a kintala-Miu. Po'ineeomo kimegagi mowohiako luwuno anu moiko a raha-Miu, a raha-Miu anu mempori.

Po'unde-unde 68:35

Mangakuakonomo pabawa-Do Ue Ala; maramba-Do kongko i wawono Isaraeli, pabawa-Do humaweo luwuno seru.

Po'unde-unde 76:12

Pontangamo ka owahiomo tinangamu atuu ndi Ondae i Ue, Ue Alamu! Po'ineeomo luwuno anu tumonda Ira pompowee pesomba ndi Ondae anu dinoitoako.

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Po'unde-unde 99:3

Po'ineeomo dome'unde-undeo nee-Miu anu langkai ka mongkokongiri; Ondaemo anu mempori!

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

Winali 28:58

Tewala nahi mpetenunu meweweuo luwuno pauno songka Taura anu binuri a laro wunta andio, ka nahi medoitoakono Nee anu maramba ka mongkokongiri andio, ndi Ondae i Ue, Ue Alamiu,

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.