Po'unde-unde 45:9 - Wunta Mempori

⁹ Luwuno sangkamu mana mire, gaharu, ka sendana; inso a langkanae tindu pemaeno katapi mokonsanaako;

Po'unde-unde 45:9 ပူးပေါင်းရင်းမြစ်များ

1 Mokole 10:11

Luwuno mbo'u kapalano i Hirami anu mowawa wulaa inso i Opiri, mowawa keu cendana anu hadio ntu'u ka watu paramata anu motungko olino.

1 Mokole 2:19

Ka i'amba i Bateseba me'aro ndi ondae mokole Salomo tepopauako mongkona po'emano i Adonia atuu. Mentade iramo mokole lumako tepohaweakono ka ipesomba ndi onae. Ka i'amba mentoro a ngkadera poparentaano ka ipontena mia mo'ala kadera pentoroado inedo mokole, ka i'amba beine atuu mentoro i koanado.

1 Mokole 2:9

Kanandio-andio si potolao inso a mpohuku, hangano omue anu pande mompewowolo ka tumo'orio hapa anu asalakono koweweuo ndi onae; omue asalakono weweuo mia anu me'uwa atuu ka ipetii medoloako rea a mpo'iangado mia mate.”

1 Tawarika 1:23

i Opiri, i Hawila ka i Yobabi. Onaemo atuu luwuno anano i Yokatani.

Ayubi 22:24

tumadio labano wulaa a laro pampawu, wulaa Opiri a olo watu ngkorono,

Po'unde-unde 45:13

Ana beine i Tirusi aiwa saru luwuno pompowee; mia kaea i olodo palili ta mete'umalao aroamu.

Po'unde-unde 72:10

po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Powadi 7:17

Pepomboleaku kuporawoakonomo mire, gaharu ka keu mo'ahi.

Penani Maramba 7:1

Tedoa momoiko pelempamu saru sandala atuu, ana beine anu moleo gauno! Lengkuno tongamu kana peramba-ramba, wineweuno kaeno mia pande moweweu anu alusu.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

MENGKAAA 19:7

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 21:24

Ka luwuno tongku ira mpelempa a laro mewineno ka luwuno mokole i tolino mewawao kaeado ndi onae;

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”