Po'unde-unde 45:7 - Wunta Mempori

⁷ Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

Po'unde-unde 45:7 ပူးပေါင်းရင်းမြစ်များ

1 Mokole 19:16

Omue asalakono umurapio mbo'u i Yehu ana ueno i Nimisi gagi mokoledo to Isaraeli, ka i Elisa, anano i Sapati inso i Abeli-Mehola, gagi nabi umeuko.

Po'unde-unde 101:8

Sompo mo'oru aku mepate ira luwuno mia mosa'o gauno i wita andio; ka kupokotampulao inso a ngkota-Do i Ue, luwuno mia anu moweweu mosa'o.

Po'unde-unde 11:7

Hangano Ondae i Ue atuu moleo ka Dopehohawao moleoa; mia anu bobotoli aroano ta kumitao rupa-Do.

Po'unde-unde 2:2

Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

Po'unde-unde 21:6

Langkai marambano hangano ponangia anu Iweeakono; potoro langkai ka mewanta Iweeakonomo.

Po'unde-unde 33:5

Dopesanaao moleoa ka songka; tolino bukeako pompehohawa-Do i Ue anu nahi bali.

Po'unde-unde 89:20

Hori Komiu mepau a laro pongkita a luwuno mia anu pinehohawa-Miu. Omiu mepau, ”Kutulungiomo asa mia pongkiari, mokomantandeomo asa mia bininiki inso i olodo tongku atuu.

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Imama 8:12

Ka i'amba montawa tedei inso a lana po'urapi atuu a wawo uluno i Haruni ka umurapio kai pokomemporio.

I MATIU 3:15

Ka do'amba sumangki i Yesu, Dopotaeakono, ”Po'ineeomo ka igagi mongkonatuu, hangano kanandiomo anu tekona to'ihiio luwu po'ehe-Do Ue Ala.” Ka itondaako Iramo i Yohane.

I MATIU 7:23

I tempomo atuu Aku pauako ira a menteeano ka mepau: Nahi Kuhori tumo'ori komiu! Impolaimo inso ndi Ongkue, luwumiu anu mpoweweu mosa'o!”

I LUKASI 13:27

Sine Ira motaeakomiu: Nahi Kuto'orio ba isua ime'inso, impolaimo inso i aro-Ku, hei luwumiu anu mpoweweu mosa'o!

I LUKASI 3:22

ka metiiomo Penaa Mempori a laro rupano manu-manu marapatii i wawo-Do. Ka terongeomo suara inso i langi, ”Omuemo Ana-Ku anu pinehohawa-Ku, ndi Omuemo Kupemoikoo.”

I YOHANE 1:16

Hangano inso a bukeako-Do luwuto mpontarima kitamo pe'aroa hangano pe'aroa;

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

WINEWEUDO TINENA 2:28

Omiu mompauakune sala ntuwua; Komiu moweeakune hadio ntu'u mawongkoa i aro-Miu.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.