Po'unde-unde 45:3 - Wunta Mempori

³ Omue anu tedoa montama i olodo luwuno anano mia, pe'aroa te'uwu a wiwimu, onaemo pu'uno Doronsokomo Ue Ala ranta nahina tampulaano.

Po'unde-unde 45:3 ပူးပေါင်းရင်းမြစ်များ

Ayubi 1:16

Kontongaano mepau mia atuu, hawe mia susua ka ipotae, ”Mesilawiomo api inso i langi ka pingko itunuo bawaano bembe bimba ka luwuno puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Po'unde-unde 104:1

Unde-unde Iramo i Ue, hei sumangaku! Omiu Ue, Ue Alaku, langkai ntu'u pabawa-Miu! Omiu mesangka pompelangkai ka marambaa,

Po'unde-unde 145:12

ka domempauako ira luwuno anano mia langkaino roso-Miu, ka poparentaa-Miu anu maramba ka mewanta.

Po'unde-unde 145:5

Maramba-Miu anu langkai ta mewanta ka luwuno wineweu-Miu anu kinohali-haliako aku menaniakono.

Po'unde-unde 21:5

I'emao tuwu inso ndi Omiu ka Omiu uminduakono, tuwu melai mpiha ka nahina tampulaano.

Po'unde-unde 21:7

Oo, Omiu weweuo ka igagi mpiha ronso; Omiu mokobukeakono mawongkoa i aro-Miu.

Po'unde-unde 96:6

Pompelangkai ka marambaa kongko i aro-Do, roso ka ponangia kongko a mpo'ianga mempori-Do.

Penani Maramba 2:3

Kana keu apeli i olodo keu a ntobu, kanatuumo pinehohawaku i olodo mangalitau. Itotono inengoino aku mingki mentoro, wuano ipemo'ahio langiraku.

Penani Maramba 5:13

Kombisino kana maluano lere rampa-rampa, Pe'olo-olotino mana mo'ahi. Kana ira sisi bonse wiwino, nte'i'iti uwoino mire.

Yesaya 49:2

Doweweuo ngangaku kana ponai montaso ka mekaria aku a pokongkomino kae-Do. Dopokogagi aku ana mpana anu montaso ka wuni aku a laro ngkadu pana-Do.

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

ROMA 14:9

Hangano onaemo Domateako i Kerisituu ka wali tuwu, ka Dogagi Ue, moiko a mia memate, maupo a mia mentuwu.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

YUDASI 1:25

Ondae Ue Ala anu asa-asa, Puu Pongkaduduito hangano Ondae i Yesu Kerisituu, Ueto, ndi Ondaemo marambaa, pompelangkai, roso ka pabawa se'eluno luwuno tempo ka kanandio-andio ka ranta nahina tampulaano. Ami.

MENGKAAA 1:16

Ka a ngkae koana-Do mo'ini Ira opitu anano wula ka inso a nganga-Do meluarako aasa ponai montaso memata orua, ka rupa-Do mewanta kana mata'oleo anu mokula ntu'u.

MENGKAAA 19:15

Ka inso a nganga-Do meluarakoomo aasa ponai montaso anu ta numangio luwuno tongku. Ka Ira pakambiako ira tuko labu ka Ira momporo'i anggoro a mpogilia anggoro, onaemo bamburuno tekuda-Do Ue Ala, Anu Tedoa Pabawa.

MENGKAAA 19:21

Ka luwuno mia susua mempinepateako ponai, anu meluarako inso a nganga-Do Anu Mesawi a ngara atuu; ka luwuno manu-manu memowohiako baudo.

Puu Mpobitara 3:16

Ka i Ehu moweweu ponai montaso mompombali, anu ondauno asa hiku, iwunio a laro lembano, ia puu mpa'ano anu koana.